Popular Bible Verses from Lucas 11

Share

Jau chömöledö, ökwödöma sulabedököbaduwijayonö, kwi̧tji̧muduwinö otiwanö te'ada̧lö iyadöja, ja̧danö ökwödö sulabedöma kwi̧tji̧muduwinö otiwanö kwiyaduwitjö̧ma, mölejȩbe jo̧ Kwabe'doduwima ja̧tjö o̧penönö jo̧banö abebadönö ¿otiwanö iyökenaji̧? Iyo̧ chömöledö. Jau chömöledö, jo̧banö abebadönö Kwabe'do Diosma iteda O̧'wo̧ Luwo̧nö iyobe chömöledö— jö̧ba̧lö yöawinobe Jesúsma öba̧ja̧di̧ waisachadönö.

Diosnö akebaduwi̧bi ja̧danö chömöledö. Taba jwiinö yebabökönö akebaduwo. Ja̧danö baikwö yötawaduwakwö: Diosnö akebaduwitjö̧ma, ökwödönö iyakwo̧, ja̧danö kwisakwaduwitjö̧ma, kwisakwaduwi̧ kwöbadekwajaduwakobe, ja̧danö tekachaduwobö akebaduwitjö̧ma, apjude po̧ekwakobe.

Jau chömöledö, okobe deinö abebadö atjebiökwe iyo̧ Diosma, ja̧danö okobe deinö isakwadöma badekwajadö, ja̧danö okobe deinö tetjachobö abebadönöma, apjudema po̧ekwakobe. Jo̧kwajabetjö̧ taba jwiinö kwabe'doduwi Diosnö akebaduwo chömöledö, ökwödönö iyobö ösödo̧ jö̧ba̧lö.

Aebökwe, Jesúsma atadinobe: —Diosnö akebaduwenama, baikwö akebaduwo: Mölejȩbe jo̧ Dabe'do, jojodö otiwanö ökwönö tjomukwatobö dösöda, Diosma isabenö suli̧ jwibo̧ jö̧ba̧lö. Ja̧danö ju'wibi, la'aka luwo̧ kwö̧jakwa̧ möle juluwanö baibobö dösöda.

Ja̧danö ju'wibi, sulabenö ja̧denama, sulabenö ja̧daja̧ omukwatökönö ökwödönö kwösödobö adeba Dabe'do. Jau Dabe'do, ökwödönö sulabenö ja̧bajadönö dösödobe, sulabenö ja̧tjaja̧ omukwatökönö, jo̧kwajabetjö̧ jobadönö dösödi̧danö bakwainö ökwödönö kwösödobö adeba, sulabenö ja̧daja̧ omukwatökönö. Ja̧danö ju'wibi, otiwanö ökibobö adeba, Dabe'do, suli̧ jawa ösödö sulabenö ja̧dapji jö̧ba̧lö. Jobekwö Diosnö akebaduwo— jö̧ba̧lö yöawinobe Jesúsma, iteda öba̧ja̧di̧ waisachadönöma.

Ja̧danö ju'wibi, mölekwena du̧kwa kwakwawa kwiyobö adeba Dabe'do.

Ja̧danö chömöledö, wanedö yötawa: Kwöbajaleduwima, kwiteba'o jawatjö dejewa'yu̧danö ichejekwa. Baikwö labebö lobö yötawa chömöledö: Kwöbajaleduwinö otiwanö kwedaduwitjö̧ma, okobe jwiinö kwiteba'oduwi dewinö jo̧bedanö ichejekwa, jo̧kwaijayonö, kwöbajaleduwi sulitjö̧ma, okobe jwiinö kwiteba'oduwima yȩa'wo okwa jo̧bedanö ichejekwa, ¿jö̧tö?

Tupakwö wanedö yöawinobe Jesúsma jojodönö: —Chömöledö, bakwo̧ dejewa'yu̧ önötedenama, nötedajo̧ ¿dejewa'yu̧ tojö ujunenaji̧? ¿Wi̧lȩyu̧ teebe ujunenaji̧? Ja̧maökö chömöledö, mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?