Popular Bible Verses from Maluko 15

Share

Baheene mu lisala lya gonja, uYeesu wákhosiise mandu ishawuti wáaja, “ Eloyi! Eloyi! Lama sabakhitani? ” Uluganulo lwakwe, “Nguluvi wangu! Nguluvi wangu! Kwashi wanilekha?”

Umuyimililaaji wa vasulukhali, yuna akhandi ayiimile nkholeela pa Yeesu, wáganile kimwaga shina iifwa wáajova, “Shiyooli umuunu uyu akhandi Lusawo lwa Nguluvi!”

Uluhaavi luulo, umwenda guna gukhandi gubagwile mbali sivili mu nanda ya Nguluvi, gwadeemukha paakhati kihuma kushaanya mbakha pansi, gwabagunkhana mbali sivili.

Baheene uYeesu wákhoosa mandu ishawuti, wáafwa.

Kihuma ilisala lya mutanda paminsi mbakha ilisala lya gonja, inshiisi yagubikhaga inyi yila yoona.

UPilaato wávadindulila uBalaaba, kwa kiiva akhandi isakula kishishendeefya ishipuga sha vaanu. Baheene wávalajisa avasulukhali vaakwe kiija, vamutove uYeesu na majalidi na kimukhomeelela pa musalaaba.