Popular Bible Verses from Markə 9

Share

Jeju pa arɛ̂ nan: «Mba ddi bba ə-pa nan: ‹Bbo asə ta dda marə nɛ̂n a›, wa? Dəw kə̂ mə-kunn laa to a kasə dda nɛ̂n tɔyn!»

Njangə baa njaa bɔ ngonnje le uru əkii kə taar nan: «Moo məm tə̂! A ə-ddee umam mba mə-kunn ləm goto.»

Kar kə̂ Jeju təl aw kə̂y ngaâ njê-njaje goe tə̂ njaa naynje saa kə karəde baa a, n̂-dujeje nan: «Mba ddi bba jeje juman kə tubba ndil le pin wa?» Nilade tə̂ nan: «Duju Lubba njaa kâra baa â dəw a kasə tubba nɛ̂n ndil kə̂ baann.»

Katə to nɛ̂n kə̂ maji. A bbo katə təl dɔɔn ang ngaa a, ddi bba dəw a dda karə katə le təl dɔɔn bbay wa? Maji karə katə to rɔse tə̂, ta isije kə̂ mə-wul-lɔm horose tə̂.»

«Dəw kə̂ taa marə ngonn kə̂ tokə ne nəənn kə rɔɛ̂ tə̂ kə rim a, əman njaa n̂-taam. Ngaa dəw kə̂ taam kə rɔɛ̂ tə̂ a, to dəw kə̂ ulam a n̂-tɛɛ̂ bbo to əman kə karəm ang.»

Tɔkɔrɔ njaa m-pa marəse, dəw kə̂ arəse maann-kay mə əngo tə̂ ayje, mba ə-toje to dəwje lə Kristə a, dəw le a kinga kuka laa.»

«Dəw kə̂ dda arə marə dəw horo ngannje tə̂ kə̂ ngaji kə̂ unnje məde arəm oso mə majang tə̂ a, maji boy ta tɔ biri gɔsɛ̂ tə̂ kilɛ̂ mə ba-katə tə̂.

Bbo kəmi a ta dda karə ə-dda majang a, ɔru kə ddang. Mba kandə Bbe-kɔn tə̂ lə Lubba kə kəmi kə̂ nayn kâra baa, maji uta ngəm kəmi joo kəm karə dilai nɛ̂n kəm puru tə̂ kə̂ aw ɔn kə ndɔ kə ndɔ.