Popular Bible Verses from UISAYA 41

Share

Ngoko ke ndinawe, sukoyika; ndinguThixo wakho, sukuphakuzela. Ndiza kukomeleza ndikusize, amandla am asindisayo akuxhase akukhusele.

Mna ndinguNdikhoyo, uThixo wakho; ndokugcina ndikomeleze, ndithi kuwe: ‘Sukuphaphazela, ndiza kukunceda.’

“Ke bona abo bakusunduzayo baya kuhlaziswa; ewe, abakulwayo soze babe nto.

Ndakulanda eziphelweni zehlabathi, ndakubiza kwiindawo ezisekudeni, ndaza ndathi: ‘Usisicaka sam.’ Andikubukulanga; ndakunyula.

Iintshaba zakho uya kuzifuna, kambe ke sobe uzifumane. Abalwa nawe bophel' emehlweni.

“Ewe, mna Ndikhoyo ndithi: ‘Ubuthathak' unjalo, Yakobi, nimbalwa ninjalo, Sirayeli, kodwa sukoyika, ndiza kukusiza. Mna Yedwa, Thixo kaSirayeli, ndim okukhululayo.’

“Ke wena, sicaka sam Sirayeli, nditsho wena, ndlu kaYakobi, wena uluhlanga endilunyulileyo, uyinzala yesihlobo sam uAbraham.

Ndogqabhuz' imilambo emqwebedini, kutsho kumpompoz' imithomb' ezintilini, intlango ndiyijike ibe yimigxobhozo, umqwebedu utsho unkcenkcez' amanzi.

“Abahlelelekileyo bam bofuna amanzi bancame; sebekhothekile bona lunxano. Ke mna Ndikhoyo ndosisabela isikhalo sabo – mna Thixo kaSirayeli soze ndibalahle.

Yaz'ba ngubani na umphembi wale ntlekele? Ngubani owasimiselayo esi sishiqi? Mna *Ndikhoyo, yaba ndim kwasekuqaleni; ewe, yoba isendim nasekugqibeleni.”

Entlango kokhul' imisedare, ibe ngumngampunzi, umnquma, nemetile. Elibharhileyo lokhula ipayini, isipresi, nomgalagala. Boyibona abantu le nto baqonde, baqaphele bazi, bathi nguNdikhoyo lo uyenzileyo. Ewe ngenene, botsho baqonde ukuba oku kudalwe nguYedwa kaSirayeli.”