Popular Bible Verses from UISAYA 42

Share

“Mna Ndikhoyo ndikubizile; ewe, ndingothembekileyo. Kaloku ndosoloko ndinawe, ndikulondoloze, ndikwenze umnqophiso nabantu bam, ube kukukhanya ezizweni. Wena uza kuvula amehlo eemfama; nguwe oza kukhulula amabanjwa; nguwe oza kuvula intolongo emnyama.

“Mna *ndinguNdikhoyo – igama lam ncakasana. Ubungangamsha bam andinikisi ngabo; udumo lwam aluzuzwa *yimifanekiso enqulwayo.

*UNdikhoyo uThixo uthethe wathi: “Nasi isicaka sam endisixhasayo. Yena ngumnyulwa wam ondikholisayo; ndimthe jize ngoMoya wam, izizwe zonk' uziphakel' ubulungisa.

Ingcongolo ecekethekileyo soze ayaphule, nesibane esilozisayo soze asicime, koko uphak' ubulungisa ngokunyaniseka. Yena ke soze atyhafe adangale, de aphak' ubulungisa ehlabathini; nezizw' ezikude zilindel' umthetho wakhe.”

Iimfama ndozihambisa ngeendlela ezingazaziyo; ewe, ndozikhokela ngomendo ongaqhelekanga. Kubo ubumnyama ndobujika bube kukukhanya; iingxondorha zojika zibe ngamathafa. Ezo zinto ndiya kuzenza; futhi ke soze ndizityeshele konke.

Zinto endazixelayo zenzekile, futhi nezintsha ngoku ndiyazibhengeza; ewe, ndizixela zingekathungululi.”