Popular Bible Verses from San Juan 15

Share

’Neti anca ya besuli, lebiꞌi nna ancale ca ná ya besuli. Nu gua duna len neti nna gua duguaba len lana, unnuha nna cuia juisia gueni. Tsa läga aca guele unle ttu bixa gansi bittuba dua len lebiꞌi.

Attiba dua len lebiꞌi, anía gualtseꞌe len neti. Attiba ttu xiqui yaga, gansi bittuba yaxxu nua yagaha nna läga aca ute nua nu xixxi. Anáguaba lebiꞌi, gansi bittuba seꞌele len neti nna läga aca unle nu tsee.

’Gansi gua seꞌele len neti lhe bittu ixulhinle nu rá ca tisa quia-ni lhe lania nna bixaba raca lele, gualnnaba nna guadíbale nua.

Läga lebiꞌi becueele neti, neti liba becueea le. Chi boseꞌa le qui tsiale unle nu anca tsee, nu anca tsee unleha nna uchíana, Tata quia nna gutebe iyá nu innábale lenie udettile neti.

Tsa läga nu benni te racaruinna gue ca benni seꞌe tsee lenna atti ttu benni dhielhana uttican na qui lhá ca benni seꞌe tsee lenna.

Iyába ca xiqui ya besuli-na, ca nu bittu ribía guecani nna rigúabe cana. Iyába ca nu ribía guecani nna richúe locani lhe rigúe nu bisi guecani lhe qui cuia chietti guecani.

Unní anca ley quia: aquin gue loesle attiba ucatia guele.

Tata quia benie runle ruleꞌe lo anque Benni ra xxeni lee, ganna unle nu anca tsee, attiba ttu yaga ribiaxxatta gueni, anía liba nna uleꞌe lo lebiꞌi rguaba nna gualíga ancale benni rudheti ca tisa ruleꞌeha.

Jesús re: —Neti anca ttu ya besuli tsee. Tata quia nna anque Benni ruyúe na.

Ca nu bittuba seꞌecana len neti nna iríaba ca nua iruꞌunacana. Ancacana attiba ca xiqui yaga nu dequide chi ribiscana nna redígatteba benni cana qui tsiacana lo gui itecana.

’Anába rpea le, qui ebe itta lele itupa lenle neti, anía liba nna edaca lele itú iqui itú lele.

Gansi gudole tisa gue ca tisa benia le mandadu unle-na, lania nna guaseꞌele len neti, benni racatia guele, attiba neti rudoa tisa gue nu beni Tata quia neti mandadu unia, dua lanie lhe lee nna racanie quia.

Unní rodhaꞌana unle: Aquin gue loesle.

Ttirca ancarle benni baba len lacana, lania nna guacabaquinna guele attiba racaquinna gue ca benni baba len lacana. Ttiaca lebiꞌi nna lärga ancale benni baba yies lo yu-ni. Neti nna chi becueea le lheꞌe ca benni baba yies lo yu-ni. Nuarca bittu raca uyúcana le.