Popular Bible Verses from San Juan 14

Share

’Neti rutea xen su le lenle. Xen su le guele rutea lenle-na bittu ancana loesi xen su le rute ca benni seꞌe yies lo yu-ni. Nuarca bittu aca guatenle, lä gasguabinle lhe.

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

Jesús re ca biꞌini rudheti ca tisa ruleꞌe: —Bittu aca guatenle. Gualtsia lele Tata Do Iyyabaaha, gualtsiaguaba lele neti lhe.

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

Benni chi bieninna ca tisa runia le mandadu unle-na lhe udona tisa gueque lhe unnuha nua gualíguinna raquinna quia. Benni raquinna quia nna Tata quia nna acanie gueni. Anáguaba neti acaguabatia gueni, uleꞌe loa len lana nuxa anca lhe.

Neti nna güinnababa lo Tata quia qui idhelhe attu Benni aca lanie le, qui dhoe len lebiꞌi ttu dia lii. Benniha nua Espíritu gue Tata Do Iyyabaaha, Benni ruleꞌenie le nu anca gualí. Ca benni seꞌe yies lo yu-ni nna läga ulabicana Benniha, cumu läga anca biaquinna Benniha, niguaba lä riláquinne lhe. Ttiaca lebiꞌi nna chiba anca bienle Ben-na, cumu len lebiꞌiba doe, dhoe lheꞌe lastoole lhe.

Iyába nu innábale len Tataha rudettile láya nna gunba nua, qui anáchu neti xiꞌin Tata Do Iyyabaaha, de nu runia-ni nna uleꞌe lo anca Benniha Benni ra xxeni leni. Bixaba innábale rudettile láya nna gunba nua.

’Gansi lebiꞌi raquinle quia nna gudobale tisa gue ca tisa runia le mandadu unle.

Lheꞌe lisi Tata quia do iyyabaaha nna ixe atta tseꞌe benni sia nía. Gansi läba anía anca nna lägabi upea le aní. Nnanna nna eyyaꞌaya qui sen tseea atta tseꞌele.

Dequide eyyaꞌaya sen tseea atta tseꞌele nna dedaaya attu libe qui echea le len neti, qui tseꞌeguabale atta dhoa.

Tomás rábi Jesús: —Läga yu riꞌitu gaxa eyyalu, xa Benni bananie riꞌitu. Larcala nna ¿tti modu yutu bixa neda nua?