Popular Bible Verses from Génesis 21

Share

Enga e chise diri nanique enga Pangarádejnai Dupade chisi ome daru iyiejájnane ome Sára jetiga atique cuse jne. Enga do gojni enga e doi ga chimate daruode aja guesi.

Mu que gusu uaté uje chudute dabi agoyé, mu Dupade chudute to agoyé uaté. Mu Dupade irótique tṍraji gaté enga catecã́ri Agar aja jnumi yui enga chojninga: "Agar á, ¿jé bajnusiétigai gajnetique cucha ya? Aya atodo yui jeta babi toi. Uje Dupade chudute babi agoyé to iji charidi. Ajniapója baquigade rĩ enga a ese babi jne enga asa jmanai jne enga ca arame jmanai jne. Enga a ca toi jne enga a yipésu uté jne enga ape disi ejórigo jiépisi ore iji ore unínique."

Jé u uje abi déji ajei nanique. Enga base enga diyoqui abi. Abraham e choquíjnapis mu abi cuse. Enga abi base ga jé upúsu Pangarádejnai Dupade uru casodica ome Abraham ore uje chojningame ore ica: "A uacabi base jne iji sequeré uéchai." Enga jé u nanique uje basipísiji sequeré uéchai.

Enga Sára chojningame re nanique: "Que toc eti ca yirasé yu enga yingana, uje Pangarádejnai Dupade chisi ome yocabi ome yoque. Mu que gusu yoque uje yoquirasé yoc enga yinganángo, mu a yocujnomei chise yoquijoranie to jne enga a ore irasé raque to jne enga a ore cana yoquibai to jne uje ore irasé yoque gu yocabi.

Mu Dupade catecã́ri Abraham nanique rĩ, enga chojninga: "Ca báyipie chejna raja babi tiji barogué gari, daté ore. Be ga angaripísi bacoté Sára, enga be uruode ome cuchade. Uje yajéode jé u to ujetiga bape gatérigo gãrapi tu babi Isaac uté jne.

Enga a yipésu yáyipiedie ome barogué Agar, uacabi to jne. Chamáñaje babípise gu. A uté ape disi ejórigo quérã iji danínique enga jiépisi ore to jne."