Popular Bible Verses from Juan 14

Share

A yiji jne ome uaque mu a yijíñome yijogosṍri pajesereringa iji uaque. Mu yerani pajesereringa que cunguésõri erámone jogosórone ore irasitigai pajesereringa ome uaque, uje cachi ore urúo. Jecute ca oyo uacáyugu ome cuchade. Ca atodóyopo cuchárique rĩ.

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Enga Jesús chojningame dacadigode ore: –Jé ca oyo uacáyugu uaque. Anguretáyo Dupade ome uaque enga anguretáyopo yu rĩ.

Mu quigade enga Yai a chiroque Dajopié Espíritu Sánto aja uaque jne ujetiga basája yijogadi. Enga uté a chátaja uaque jne enga a chajni uacajnusiétigade jne. U to jne ujetiga chacate uágome cuchade jnese enga uté upo rĩ uje jnusinápo yacajnaquéode quigode jnese ome uaque rĩ.

Ujetiga gosi chiraja yiroquéode quigode enga doi enga pésu, uté u uje chijnóra yu. Enga Yai chijnóra uté gosi gu ijnoraquei ome yu. Que gusu Yai uje chijnóra uté gosi mu uyu u to uje yijnóra, enga a yingo yu aja uté gosi jne.

Enga a yijócha Yai ajei údi ujetiga chiroque uacátajató aja uaque jne ujetiga cháji uacari iji deréjnane jnese enga chisi ome picasitigai ome uaque. Enga uacátajató uaté u Dupade Ujopié Espíritu Sánto, uje cucha uréone gãrapié tu. Que togome erámone jogosórone ore jnese ujetiga Dupade Ujopié chise ore. Chamáñaje que ore chimo to enga que ore chiraja go. Mu uaque u uje uacarajáyo. Uacaríjogoto uaté gu. Enga a chise deréjnai jne ujetiga uaté chacája uaque jne iji deréjnane jnese.

Cuchade jnese ujetiga atáyoji Dupade gu uacanguretigai iji yi enga a yipésu ome uaque jne. Uje yigaidi u gu ujetiga Dupade Abi uyu yingo Yai ingoningájnai aja uaque. Enga que cucha uñeque cus ujetiga ca yipésu ome uaque gu uacanguretigai iji yu.

Ujetiga ajnóraño yu enga beyoi yiroquéode.

Chamáñaje pijogadode uásejna iji Yapade idai. Ujetiga ca ũré udore enga a ca yingorása uaque. Jecute a yiji jne enga yipésu uacajogadode ome uacaríringai yui.

Mu ujetiga yiji, enga e dimane uacajogadode ome uaque, enga a yĩriápo jne rĩ. Enga jogadi u ujetiga yiji uacádi. Yigaidi u gu ujetiga agúsoji ta to yiyaridi.

Tomás chojninga: –Yocangarádejná, que yirajágo baquitique. ¿Jé yoco rique jne a ujetiga yajnángo dajei aja baqui yui?