Popular Bible Verses from Jɛ́nɛ́sì 37

Share

Wé ɖòɛ̀ ɓaɖaa, Jòsé ɓéɖé ma dya-dya ɖò. Ti ɓɛ́ ɔ po ma dya-wùɖùɔ̀ ɔ ɖíí-gàà ɓěɔ̀ gboɛɛ, wa nyɛ́ ma ɔ mú ɖe mìɔ.

Jékɔ̀ ɖɛ̀ɓɛ̀ ma Jòsé mú mìɔ ké ɔ zi ɔ dyú tɔ̀ɔ̀ ɓěɔ̀ dyí, sepóɛɖé ɔ nyɛ ma hwɛ̀ ké ɔ wóɖóìn ma ɔ jè. Ɔ jèɛɛ, ɔ gma ma ɔ bìì gã́ùn nɔ̀mɔ̀ dyíin ɖò.

Ti ɓɛ́ ɔ ɖíí-gàà ɓěɔ̀ dyéɛ ma kà wa ɓǎ ɖɛ̀ɓɛ̀ ma ɔ mú mìɔ ké ɔ zi ma wa séín dyíɛɛ, púɛɛ, wa nyɛ́ ma ɔ mú, ké wa ní wùɖù ma ɔ gbo pɛ̀ɛ̀-pɛ̀ɛ̀-kà.

Sɔ̀ìn ɓóɛ gboɛɛ, ɔ ɓéɖé ma dya-dyaɔ̀ ɖò ɖe, ké ɔ po ma dyɛ mɔ̀ɔ̀ ɔ ɖíí-gàà ɓěɔ̀ gbo ɖe, ké ɔ ɖá, “Ɓě tò ɖùǔ. Ḿ ɖǎ ɖɛ ɖò dya ɖe. Ɖé dya-dyaɔ̀ nyɔà múɛɛ, dyóɖóɔ̀ kè dɛ̀nɛ̀ɔ̀ ɔ kè dɛ̀nɛ̀ mɛ́nɛ́ɛ́ ɓaɖa-bùè sè dyúáɖò ɓě taɓa dú hwuɖu ɓó ḿ dyúa.”

Púɛɛ, ɔ ɖíí-gàà ɓěɔ̀ dyéìn ma ɔ hwɛ̀nɛ̌, kɛɛ ɔ ɓǎ pɛ̃́ìn ma ɖɛ séín ɓěɛ̀ hwìɖǐi.

Ɔ ɖá, “Ɓě tò ní dya-wùɖùɔ̀ gbo ɖùǔo. Ḿ dyaa ma, ké à nì mɔɔ́ sãuń ɖé geɖeín. Púɛɛ, níǐn mɔɔ́-jũ̌ɔ̀ nyànà dyi, ké ɓě nììn mɔɔ́-jũ̌ ɓěɔ̀ nyanaìn níǐnɔ̀ ɖei, ké wa séín taɓa dú hwuɖu ɓóɛ dyúa.”

Ɓě dyi, ɓɛ́ ɓěà ké ɔ kpɔ̃, ɓɛ́ ɓěà ké ɔ ɖáɓá, ɓɛ́ ɓěà ké ɔ ní-ɓì fóɖóún ɓěɛ̀ ɖò mú po, ɓɛ́ ɓěà ké níiń, ‘Dyoɖo-nìmìì ɖò kpɔ̃ ɔ, ké ɔ tà ɔ.’ Ɔ dyi ná nìǐn, ɓěà ké ɖɛ mu ɔ dya-dyaɔ̀ gbo wóɖóùn wɛ̃ɛ dyé.”

Ɔ jèɛɛ, ti ɓɛ́ Ésìméò-nyɔ̀ ɓě mɔ̀à Míɖìàùn-nyɔ̀ ɓě kɛɛ nyini ma ɓóɛɛ, Jòsé ɖíí-gàà ɓěɔ̀ zà ma ɔ ɖé ɓíɔ̀ mú, ké wa pèɖèìn ma ɔ Ésìméò-nyɔ̀ ɓěɔ̀ gbo. Wa pèɖèìn ma ɔ séɓàɖà-cɛ̀kò kpáɖá-nyɔ ɖò. Ké Ésìméò-nyɔ̀ ɓěɔ̀ kpa ma ɔ ɖé Íjè-ɓòɖòɔ̀ kɔ̃.

Wa cɛ̃ìn cɛ̃̀ìn ma gbo, ké wa ɖá, “Gmɔ̀ ɖéa, dya-nyɔ̀ vɛ̀nɛ̀ɔ̀ dyià ɖéɛ̀.

Kɛɛ ti wa dyé ma ɔ ɖé nya vɛ̃in, hwɛ̀ ɓɛ́ ɔ ké ma wa bũ̌in xwɛ̃́ìn nyɛɛ, wa sɔ́ ma ɔ, ɓɛ́ wa ké ma ɔ ɖáɓá.

Ɓěà ɓɔ́ nyɔmɔɔ ɖò dyi wáɖáìn. Ɓěà po ɔ nɔ̄ ní-ɓì fóɖóún nìà gbǎùn-fúɖúáà kɔ̃ɛɛ mú. Kɛɛ ɓěà ɓɔ́ ɔ bũ̌in puàà.” Ɖɛ kɔ̃̀ jè Wuɖuɓíín cɛ̃ ma kà ɖɛ nìà kɛɛ mɔ̀, ɓɛ́ ɔ ké ma ɔ wa xwaún póìn, ɓɛ́ ɔ ké ma ɔ ɖé ɔ ɓǎ gbo ɖe kpa.