Popular Bible Verses from Jɛ́nɛ́sì 7

Share

Hwɛ̀ ké Bounɓoɔ̀ cɛ̃ɛ ma Nóà gbo ɖe, ké ɔ ɖá, “M̀ kè nì gbǒ-xwíníín-nyɔ̀ séín ɓěɔ̀ mɛ dyá ɖé méèɔ̀ mú, sepóɛɖé ḿ ɖǎa dyé kà mɔ̀ mɔ̀ dyí-sɛ́ɖɛ́ìn-nyɔ̀ ɖé nyɔ ɓě nì cĩ́ɛń ɓó kàǔn wɛ̃ɛ hwìɛ̀ kɛ.

Níɔ̀ dyíìn ma ɓóɖó-kpàɔ̀ kɔ̃in ɓó wé hɔ̃dɛ̀ɖɛ̀ ɖò kè kpáɖá-nyɔ sɔ̃́ ɓaɖa-bùè xwíníín.

Ɓó Nóà zɔ̃ hɔ̃dɛ̀ɖɛ̀ mɛ̀nɛ̌ìn-ɖò nììnɔ̀ dɛ̀nɛ̀ sɔ̃́ nììnɔ̀ wé ɓaɖa-bùè sè mɛ̀nɛ̌ìn-sɔ̃́ nììnɔ̀ ɓaɖaa, ní-dù séín ɓěɔ̀ gè ma wɔ̃, ké dyɔɔ̀ kaà ma wɔ̃.

Kǎà Gèɖèpɔ́ɔ̀ nyu ma ɖɛ séín cĩ́ ma ɓóɖó-kpàɔ̀ kɔ̃ mɔ̀à nyɔǔn kè nimii kè ɓíɖíi-dyi-nà-ɖɛ̀ kè naà ɓěɔ̀ kɛɛ ɓóɖó-kpàɔ̀ kɔ̃ dyi sámáa. Nóà kè nyɔ ɓě nì ma ɖé ɔ gbo méèɔ̀ múɛɛ ɖòùn kɔ̃̀ fɛ̀ɛ̀ pó ma.

Ké níɔ̀ ɖaɓa ma ɓóɖó-kpàɔ̀ kɔ̃ ɓó dyóɖóaún-wè kpáɖá-nyɔ sɔ̃́ kè máaún-hwùɖù kpáɖá-nyɔ sɔ̃́ xwíníín.