Popular Bible Verses from Ɖúù 10

Share

Gmɔ̀ nɔ̄, ḿ ɖǎ ɓě kpé nyí, ɓɛ́ ɓě ké sɛ kè gĩ́á ɓě kɔ̃ sí. Ḿ ɖǎ ɓě kpé nyí ɖé Nyɔ-mú-nyɛ́-nyɔ̀ɔ̀ kpé séín ɓěɔ̀ kɔ̃in. Ɖɛ ɖò se ɓě puàǎ mu fɔɔ.

Kɛɛ Bounɓoɔ̀ zà ma ɖé wuɖu, ké ɔ ɖá, “Matá, Matá, nì hwòɖǒɔ̀ gbǎìn dyií, ké fũ̀à-fṹá nyu m̀ ɓó ɖɛ ɓáún-ɓáún jè. Kɛɛ ɖɛ m̀ kɔ̃̀ ɓɛ́ m̀ ké ɓéɖéɛɛ mɔ̀ ɖɛ dyúáɖò nyɛ̀nɛ̀ɛ̀. Meɖé ɖǎ ɖɛ nɔ̀mɔ̀ dyíinɔ̀ gã, ké nyɔ ɖò seɛ ɔ xwa zàà ɓɛ́ìn.”

Ké gàaɔ̀ ɖá, “M̀ mɛ ɖɛ̀ɓɛ̀ Bounɓo mɔ̀à nì Gèɖèpɔ́ɔ̀ kɛɛ mú hwòɖǒɛ̀-ɖé-hwɛ̀-kà ɖé nì kpé séín mú ɔ kè ɖé nì hwìɖǐi-poìn-ɖɛ̀ séín mú. Ké m̀ mɛ ɖɛ̀ɓɛ̀ m̀ mǔè ɖò mú kà m̀ ɖɛ̀ɓɛ̀à m̀ mìɔùn múɛ.”

Ké ɔ cɛ̃ɛ ma wa gbo, ké ɔ ɖá, “Mɔɔ́ ɖǎà kɔ́ɛɛ vò dyí mìɔ, kɛɛ ɔ cɛ̃-nyɔ̀ ɓěɔ̀ se dyí vò. Ɓě mɛ ɓaà nyɔ kɔ̃̀à geɖeɔ̀ wuɖuíɛ, ɓɛ́ ɔ ké kũ̀à-nyɔ̀ ɓáún-ɓáún tò, ɓɛ́ wa ké ɔ mɔɔ́ɔ̀ cɛ̃.

Hwɛ̀ ké Jízɛ̀ diè ma ɔ dyi, ké ɔ ɖá, “M̀ poìn hwìɖǐiɛɛ, nyɔ tã ɓě nìà kɛ, waà nyɛ́ mɔ̀ ma gàa ɓɛ́ nyɔ-ɖɛ-gana-xwa-zàìn-nyɔ̀ ɓěɔ̀ wáɖá ma kà kɔ̃ɛɛ mǔè kɛ́?” Ké gàaɔ̀ ɖá, “Ɔ mɔ̀ nyɔ dyé ma kà ɔ wìǐn nyɛ.” Ké Jízɛ̀ cɛ̃ɛ ma ɔ gbo, ké ɔ ɖá, “Mu, ɓɛ́ m̀ ké ɖɛ dyúáɖòɔ̀ nyu ɖekè.”

Ɓě mɛ muá. Gmɔ̀ nɔ̄, ḿ nì ɓě tòɛ̌n kà nyɔ tòà ɓáɖáá-dyù ɓě ji ɓě hwìɛ̀ kɛ.