Popular Bible Verses from MÁFIYU 22

Share

Jísu i ngoo yápotei, i ɣɛ ma, “ ‘Ló ngáá Ndemɔí í Yálangi ngáá í líi kpɛ́lɛɛ ɛ́ɣɛ í lɛ́ɛ́h̃ui kpɛ́lɛɛ ɛ́ɣɛ gí mái kpɛ́lɛɛ.’ Ná lɔ́ í ngáá savaí ngi bíkpingi, laá vá tɔ í ngáá hésendaa havaí. Savaí ngi bíkpingi hele kélei gulangɔ́ɔ́ lé nɔ́ɔ ngáá hésendaa geleí. Aáva tɔ ngáá sí, ‘Ló ngáá í mbála nuú búsaitii kíya í lóngɔ ngáá bɔwɔ́.’

Savaí kínɛi Ngalá ngí féni Muusé yáa ɛ́ɣɛ Ngalá ndaa háá lé mbélaitiini ti gálambongi, kpɛ́lɛɛ i hɛlɛ́ngɔ sava félengɔi sítii mba.”

Jísu i faanɛ́ɛ́ngi sí volúi ɣɛí, i ɣɛ ta, “Nuu bíh̃iw̃aa lólingɔɔ lé, kɛ́ sítii ti yeɣéngɔ ti h̃u, taá bíh̃i.”

Ná Ngala ngáá saa yelái mbuyóɣe sái h̃u, siỹɛ́ kpɔ́ngɔ nyah̃á wá, siỹɛ́ ngɛ́i nyah̃a héi kɛlaa nyah̃á ɔ́ɔ́ wála kɛmbɛ h̃u, kɛ́ ti lúva veléi aa ɣɛ nɔ́ɔ ngáá Ngalángi w̃álekaitii ti ndái ɣɛ kíli tiyɛ́i tɛi ná tá ɣɛ.

A kápangi ɣɛ́ lɛ́ɛ ngáá ngé wáá pavaí hé la.” Kɛ tí vaá ngáá kápangi ngelé. Kɛ i ti w̃ɔ́ɔ́ninga, i ɣɛ ti w̃a, “Ele hootó lɔ́, ná vólu, ele laahéi tɔ́ í kápangi sí w̃a?” Kɛ tí ngoo yápotenga, ti ɣɛ́ ma, “Lóómi Lɔwɔlɔ́ W̃ása Ngwalaí.” Kɛ Jísu i ɣɛa ti w̃a, “Sí hɔ́ɔ́ í Lóómi Lɔwɔlɔ́ W̃asa Ngwalaí hááw̃a, a fe Lóómi Lɔwɔlɔ́ W̃asa Ngwalaí yáa. Sí va í na Ngalá fááw̃a, wú fé Ngalá ngeyá.”