Popular Bible Verses from MÁFIYU 23

Share

Ngakpa mɔ́ɔ walaí í wú lííwaa kɛ í ɣɛ́ ngáá mɔl̃ɛ w̃ɔ́i.

Nuí fíli áa bɔ́wɔ haa lɛngá, Ngalá ngáá ngu nga njéi. Kɛ́ nuí fíli áá bɔ́wɔ wú nga njéi, Ngalá ngáá ngu mbúyoɣe.”

Í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngalá fái lá yaah̃ú kɛ́ aa wú líí h̃u! Wú hɔ́lɔ wɔlíngaitii wáá puu kélei he Ngalá ngéya í li bɛ́lɛ í to sí gúlo guloí wa wáá pu hakpá su áá kɛ nɛɛni. Kɛ́ sí kái kái í ngáá Ngala sávai h̃uu háitii, wáá kɛ́ngɔ wɔ́ɔ́ híya ngáá ti ye. Ná wáá ngáá, wáá baah̃áa sítii kɛ́ma tí péle w̃a ngáá wú kɛ ngáá nungáá vekaítiini, wɔ́i nungáitii ngaah̃ú w̃ááw̃aanu hóu ɛ́ɣɛ wáá ngáá tokolá ma yélaa. Kule í ɣɛ́ngɔ ɣɛi wú w̃a wú sítiini kɛ, kɛ́ wálaa Ngala kɔ́ féndai yafándɛ.

Jísu í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái la yaah̃ú kɛ́ aa wú líí h̃u! Wáá wú gɔ́pungi ɛ́ɣɛ wú ỹáákaitii maabalé fó, kɛ́ su laahéngɔ ngáá sí wú sɔlɔngɔ́ ngáá bangálima véle sífaa wá lɔ́ ngáá mɔní mɔ́ni mbélaa.

Jísu í mɔ́ɔ́ ɣɛ nungái sítii ma ti ɣɛ́i Jɛlúsɛl̃ɛ taa h̃u, “Wɛ́i wú ngáá Jɛlúsɛl̃ɛ yeláitii, wá lɔ wáá Ngalá ndaa háá lé mbélaitii páa, ná múl̃ɔ áá ti lɛ́ingaa lɔ́ve wú yéle, wú ti hɔ́ɔ́ ngáá kɔtu. Naa héiw̃aa í ɣɛngɔ bih̃í ká ká ngí ɣɛ́ngɔ ngí wú vóngaitii ngatɛ́ mba ỹanda yílaa kíya tɛɛnjéi áá ngi yívoaitii ngatɛ́ mba govóngi wu, kɛ́ wáá béngɔ mbá ngɔ́ɔ́ kɛ.

Ngimɔ́ɔ́ nɔ́ɔ wáá bɔ́wɔ ɣɛ́ ngáá tuva velé vánda yelaa nungáitiini ngaah̃ú, kɛ́ wú h̃úú vélei, wá lɔ ngáá Ngala fáá la mbélaa yaah̃ú kɛ́ aa wú líí h̃u ɛ́ɣɛ nyaamái lɔ wú h̃ú.”