Popular Bible Verses from Zɔ̃̀ɔ̃́ 13

Share

M nupìà lɔ́ɔ̀ dɛɛ nɔɔ̀ ka lɛ̀ɛ. Ye lɛ́ e kélɛ̀, kà lɔ̀ kɛ ka kíe nì ká. Lɛ̀ zí maà à lɔ̀ kɛá ka káa, kà lɔ̀ kɛ ka kíe nì ká zi nɔ́ doóa ká. É kɛ̀á ka kíe nì lɔ̀ kpɔ́ɔ̀ lɛ ka mɔ̀ɔ, kɛɛ mia séĩ́ óò lo à yí dɔɔ̀ kélɛ̀ ka tò-m-píé-mìà ká.”

Yé má m ka Dàa-mì wà kà pɛ-zɔ̃̀ɔ̃̀-mì káa, maà ka gã̀ mɛ́ pɛ́lɛ́ɛ, lɛ ka bɛ̃̀ɛ̃ ka mɔ̀ kɛ ká ka kíe nì gã̀ mɛ́ pɛ́lɛ́. Maà wɔ̃́ gɔ̃̀á zɔ̃̀ɔ̃̀ ka lɛ̀ɛ, kɛɛ ká wɔ̃́ lɛ́ nɔ́ ma kɛ ka lɛ̀ɛ kɛ.

Zízɛ̀ a là nìɛ̀ kélɛ̀, “Wɔ̃́ lɛ́ m̀ kɛ̀ɛ, ìí à yí ma nɛ́ dɛɛ ká. Kɛɛ íì lo à yí maà líé zàá.”

Wánà-wɔ̃̀ kpó-kpó lɛ́ m̀ gèe ka lɛ̀ɛ ɓɛ. Lùò nɔ́ɔ fé wá kpànazɛ̀, é dieá e dàa-mì là. Vɔ-mì nɔ́ɔ fé wá kpànazɛ̀, é dieá mí a vɔɔ là.

É kɛ̀á káà wɔ̃́ nì e kília yí maa, kɛɛ lúà kpɔ́ɔ̀ lɛ ka mɔ̀ yé kaà o kɛɛ ká.

À mɔ́ɔ̀ wɔ̃̀ mɔ̀ɔ, Zízɛ̀ e gó téɓòa mɔ̀, e là sɔ-là-sɔ̀ ɓo e mɔ̀, e táɓà dò yèlè e dĩ́. Lɛ̀ e kɛ kília, e yíí gbɛ̃̀ páni dò yí, e gbɛ̃̀ áà là tòà-píé-mìà gã̀ mɛ́ pɛ̀lɛ̀, áà o mɛ́ sòlò táɓà lɛ́ e kɛ à dĩ́a ká.