Popular Bible Verses from Lúù 18

Share

Lɛ̀ e kɛ kília, Zízɛ̀ e pĩ̀ã̀ e kéa vɔ o lɛ̀ɛ, kɛ é à zɔ̃̀ɔ̃̀ o lɛ̀ɛ kélɛ̀ lɛ o mɔ̀ ó sɛ̀nɛ ɓo teele, yékɛ̀ o fĩ́ĩ́ é nyɛ sɛ̀nɛ ɓoò mɔ̀.

Yé mɔṹ lɛ́ kília, káà yí dɔ Wálà lɛ̀ɛ́ ló wɔ̃́ lɛ́ lɛ à mɔ̀ á kɛ là mia lɛ́ aà o sí, lɛ́ ò gbóó ɓo à píé bĩ́ã́ ɛ̃́ɛ̃́ nyɛ́nɛ́ĩ́a lɛ̀ɛ kɛɛ̀ o lɛ̀ɛ? Káà yí dɔ à yí lɛ́ɛ̀ lo kɛɛ̀ dɔ́lɔ́ dɔ́lɔ́ gbũ̀‐o‐mɔ̀ yí? Ḿm̀ gèe ka lɛ̀ɛ, wɔ̃́ lɛ́ lɛ à mɔ̀ á kɛ o lɛ̀ɛ, lɛ́ɛ̀ lo à kɛɛ̀, ɛ̃́ɛ̃́ lɛ̀ɛ́ ló túò à kɛpìà. Kɛɛ yé Mi Gbe aà nua, lɛ́ɛ̀ lo zò‐dɔ̀à‐mɔ̀ gɛ̃̀ɛ̃̀ tĩã́ mia yí kpóṹ là zèe?”

Kɛɛ Zízɛ̀ a gèe kélɛ̀, “Wɔ̃́ lɛ́ bɛ̀i wá mi mɔ̀ á kɛɛ, bɛ̀i lɛ Wálà yee mɔ̀ à kɛɛ̀ mɔ́ɔ̀ wɔ̃̀ mɔ̀.”

Dɔ‐mìa e wɔ̃́ɔ dà e kɔ̀ mɛ̀ĩ́ ɓɛ̀lɛ̀ píé gbèĩ zɛ̀. Lɛ̀ e kɛ kília, a gèe e dìè píé kélɛ̀, ‘Yé bɛ̃̀ɛ̃ m̀ḿ túó Wálà lɛ̀ɛ, ɛ̃́ɛ̃́ lɛ́ m̀ḿ kpàa mia káa, ḿm̀ lo wɔ̃́ lɛ́ lɛ m mɔ̀ ḿ kɛ gã̀ã leea lɛ̀ɛ, ḿm̀ lo à kɛɛ̀, ɓii lɛ m fɔ̃̀ã̀‐fɔ̃́ã́ kɛpìàa mɔ́ɔ̀ wɔ̃̀ mɔ̀. Yé m̀ḿ kɛ kília, lɛ́ɛ̀ lo tóò nɔ́ nupìà, é tóá kíli é m kɔ̀ ɓo.’ ”

Wánà‐wɔ̃̀ lɛ́ m̀ gèe ka lɛ̀ɛ ɓɛ. Mi lɛ́ lɛ̀ɛ́ ló wéè à mɔ̀, lɛ̀ zí nɛ́fú è wèè à ká à mɔ̀, kɛ Wálà é tó à làa lɛ́ ɓea, Wálà lɛ̀ɛ́ ló tóò à là gbɛɛ ɓo.”

Kɛɛ Zízɛ̀ e nɔ́ɔ̀ɓéa súo kɛ e píé, áà gèè, “Kà tó nɔ́ɔ̀ɓéa ó nu m píé. Yékɛ̀ ká o tèá nuù mɔ̀. Ƃii mia sùu o kéa, Wálà lɛ́ɛ̀ lo tóò o là.

Zízɛ̀ a gèe à lɛ̀ɛ, “I nyìɛ è lɛ̀ gɛ̃̀. I zì zò‐dɔ̀à‐mɔ̀ aà i la.”

Zízɛ̀ a gèe à lɛ̀ɛ, “Mɛ́ e kɛ lɛ́ ì m si Tísɛ̀ sɔ̃̀ɔ̃ yiè zɛ̀ ɓe? Mi sɔ̃̀ɔ̃ yiè zɛ̀ gbɛɛ wá ɓe. Wálà doó lɛ́ nɔ́ à sɔ̃̀ɔ̃ lɛ sɛ̀ɛ.