Popular Bible Verses from Matiu 28

Share

Mewaliꞌ, iumbá peá kalaoámi i humalele duniáꞌ, nipaturoꞌheꞌ upu-upu tauna bona mepoináláiheꞌ i Kódóꞌ. Niriuheꞌ i lalu hangaꞌna Umaꞌ, Ánáꞌ hai Inao to Magasaꞌ. Nipaturoꞌmoheꞌ bona mampeuláꞌiheꞌ upu-upu to Kuhawaꞌámokou. Hai hangaa-ngaa nibuhinao: ina Kuporángákou oaꞌ duuꞌna haweꞌ i kahópóꞌána duniáꞌ.”

Nahungkukiheꞌ Iesu, haneꞌi Nahángáꞌáheꞌ, “Upu-upu kuasaꞌ i surugáꞌ hai i duniáꞌ naweꞌiMoꞌ Pueꞌ Ala.

Agáiáná nauliꞌ malaꞌeka i towawineheꞌ iti, “Ineeꞌkou malááꞌ. Kuisá to nipeliꞌ Ia miꞌi Iesu to rapakuꞌ i kau mombehape. Ia tiꞌara piꞌi ara ieneꞌ. Ia tueꞌ miꞌi huleꞌ nodo to Nahángáꞌáꞌámokou. Mai nipeita karawoliáNa.

Nahángáꞌáheꞌ Iesu, “Ineeꞌkou malááꞌ! Laomokou hai nihángáꞌáꞌáheꞌ halaluNgkuꞌ bona laoheꞌ i Galilea, ina mohidupaꞌangkaiꞌ ionoꞌ.”

Onoꞌ miꞌi haneꞌi mogómbóheꞌ kapalaꞌ-kapalaꞌ tadulako menómbá hai totosaeraꞌ toIahudiꞌ to ntániꞌna. I pogómbóáraꞌ iti, himpuduheꞌ, mampoweꞌi dóiꞌ to handaꞌ i surudadoꞌ to mokámpái popatawuá rapopotuko humeraꞌ bona ineeꞌ rauliꞌ-uliꞌ. Hai rahángáꞌáheꞌ surudadoꞌ iti, “Nipolaluita i tauna node: ‘I tangaꞌ káindi tangaꞌkiꞌ letaꞌ, wátámandoꞌna Iesu rapanako topeguruNa.’ Ane laluitami iti nahádi Mágáuꞌ Pilatu, kaiꞌ rái to molaluita i hia bona ineeꞌkou rahuku.” Surudadoꞌ iti motarimaheꞌ dóiꞌ to raweꞌiheꞌ, hai mopahaweꞌheꞌ apa to roomoheꞌ rapaturoꞌá. Duuꞌna haweꞌ deꞌe-deꞌe, tebámbári oaꞌ laluita iti i toIahudiꞌ.