Popular Bible Verses from LUKAS 13

Share

Yesus kyarem faro kawasa ansi: “Mkobesewar fa mkosun ro kedwai ḇefyosya! Snar yakofen faro mko: Snonkaku sibor sesewar fa siḇe ssun fama sismaḇa.

Rodia bin oso isya rur ḇemaḇakya iswoḇeri ḇewampasi wambarek samfur seser riwar kwar isof iduf rao dokor ḇyedi iyar ḇo dores aḇyoḇer werḇa. Fafisu Yesus myam bin ani, dori ma ikofen: “Ne awine waprei ro dafduf ḇedi.”

Raimnai pyan ro bin ani ḇukor ḇyedi ma fafisu ani beri bin ani dores aḇyobber, ma isandik Allah.

Ma kaku ḇeri snonkaku ḇepursya nari spon, ma snonkaku ḇeponsya nari spur.”

Rofyor tuan ḇena rumya ikḇok ma kyen kedwaiya nari mkores ro ḇondi ma mkonuk kedwaiya ḇo mko kofen: Tuan, sweḇen kedwaiya maḇe inko! Ma nari kyarem ma ikofen faro mko: Yafawi moḇ mkoramuma royaḇa.

Yakofen faro mko. Roḇa! Ḇape rofyor mkombrorḇa, mkokam nari mkoro kuker nyan berarirya.”

Ḇape nari ikofen faro mko: Yafawi moḇ rosai mkoramuma royaḇa, mkobur ḇarpon ayedi mko snonkaku ḇeḇarḇor!

Raimnai Yesus ikofen: “Rosai yaḇuki syarḇer Allah Ḇaḇesasoser ḇyedi ma kuker rosai nari yaḇuki imnisya? Imnis sesawi mor snon oso dun ma ḇyuḇer ro yaf ḇyedi; mor ani isur ma ḇyebaken ma man ro farsyos sifrur narem ro snaw ḇyena.”