Popular Bible Verses from LUKAS 3

Share

Ro fafisu kawasa ḇeḇor ansi sisma masi sren kwar ma ro fafisu Yesus kako isma masi sren ma Ḇyenadi, rofyor ani nanki ḇyas ma Rur Ḇesrenya dado imnis manjawa faro i. Ma mkaren oso ryok ro nanki: “Aukada Romawa Yaswar kaku, Yaḇeḇare faro Au.”

ḇape Yohanes kyarem faro kawasa ḇeḇor ansi kam: “Ayakada yaḇuk masasisren faro mko kuker war monda, ḇape ḇepoik syadiro aya, nari ryama, ma yasyusḇafa yaper kaḇrai ḇefes roi ḇesowerḇyesi. Ikada nari ḇyuk masi sren faro mko, kuker Rur Ḇesren ma for.

Inja mko ḇuk bon-bon ḇemnis kuker marandor. Ma mkopok mkokara ḇaḇeri ro mkosnemna: Abraham kma nkoḇe dirya! Snar yakofen faro mko: Allah ipok kaku fa ifrur karui nane fa neromawa faro Abraham!

Mkanya fyasos kwar ro aya fuarya ma ai knam ḇemarem bon ḇepyun ba, nari ḇyeḇeroḇen ma ḇyeḇekun ro for.”

Imnis fas-fas ro syap nabi Yesaya ḇardi ḇyena: Mkaren snonkaku oso isya ḇekaru ro sup ḇeḇeursḇa: Mkofasos nyan faro Manseren, mkofrur nyan ḇeaḇyoḇer faro i. Dwas nakam nari neḇekupoi rarirya bon ma urkna nari neḇekar pyom, ḇekaparawer na neḇesye aḇyoḇer, ḇeḇe row-row na neḇekar pyom, ma kawasa kam nari smam koreri ḇeramuma ro Manseren.”