Popular Bible Verses from Dhewuteronome 10

Share

“Konkuwa koko, awe Israyeli, MKOMA, Txizimu txako, a kombela txani kwako, i si nga ti to u thava MKOMA, Txizimu txako, ni ti to u londeta totshe tinzila takwe, u mranda, ni ku mthumela MKOMA, Txizimu txako, ngu yotshe mbilu yako ni wotshe moya wako, ni kuva u vekisa sirumo sa MKOMA, ni milayo yakwe, ayiya nyamsi ni ku leletako, kasi ku u mana kuzumbiseka, kani?

Nguko koko MKOMA, Txizimu txanu, Njizimu txa sizimu, MKOMA wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Yisani wukwerani timbilu tanu, mi si bangisi tithamo tanu.

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

MKOMA ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Thava MKOMA, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

Wona nzuma ni nzuma ya tinzuma, si lumba MKOMA, Txizimu txako, kumweko ni mafu ni sotshe si si kuho ka ona.

Ngu toneto, randani mluveli, nguko nanu mi ti ti valuveli ditikoni ka Egipta.