Dhewuteronome 10
10
Sileti sa siphya sa milayo
1Konako Mkoma a to womba a txi khene kwangu:
“Vata kambe sileti simbidi sa marigwi kufana ni so khata, u txi kwela u txi ta naso kwangu, txitimwi ka mmango, maha kambe dibhokiso da mapulango. 2Ni na bhala kambe ha siletini mapswi ale ma nga ti ka sileti so khata, asile u nga faya, se awe u na ya si veka amu ka dibhokiso.”
3Ni to maha dibhokiso ngu mapulango a setime, ni vata sileti simbidi sa marigwi, so fana ni so khata, se ni txi kwela mmangoni, ni sileti sa simbidi, ni di si ñote manzani kwangu. 4Sekoko Mkoma a to bhala aha ka sileti, yoneyo mhaka a nga ti yi bhate ha kukhatani, i ku milayo ya digumi, ayi Mkoma a nga ti yi wombile mmangoni, na a di hagari ka mndilo, ka ditshiku da msengetano; se Mkoma a to si ningela kwangu. 5Ni to engeta ni relela ngu mmangoni, ni txi veka amu ka dibhokiso sileti sa simbidi, dona dibhokiso dile ni ngadi maha; sona si ngadi kona mule, madingano ni ti Mkoma a nga leletisa tona.
6 # Wona ni ka: Mit. 20:28. Se vanana va ka Israyeli va to khukha konako ha txisimani ka vanana va ka Jahakani va txi ya Mosera. Ka wona wuwa wukhalo ngu kona a nga fela kona Aroni, a txi tshotshwa kona kambe. Mwanakwe, Eleyazari, a to mtsiveta ha wukhaloni ka wuphaxeli. 7Va to khukha ngu hale, veya Gudhigodha, va txi khukha ngu Gudhigodha veya Jotibhata, ka ditiko do tala ngu sinambwana sa mati.
8 # Wona ni ka: Mit. 3:5-8. Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi. 9Ngu mhaka ya toneto, Valevhi kha va na kuavelwa thomba kumweko ni vanawe; Mkoma ngene i kuthomba yawe, nga ti Mkoma, Txizimu txako, a nga va gelisa tona.
10 # Wona ni ka: Eks. 34:28. Ani ni to zumba mmangoni mune wa magumi a masiku, ni mune wa magumi a wusiku, kufana ni txikhati txo khata, Mkoma a to ni engisa kambe, ku nga dile do khata, se ene Mkoma kha ni lovisa. 11Kambe Mkoma a to khene kwangu: “Khukha u txi tsimbila, u thangela masoni ka vathu, kasi kuva txi ya wulela ve teka ditiko di ni nga xambanya ka vatate vawe, ti to ni na va ninga.”
Ati Txizimu txi ti lavako
12“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako, 13ni kuva u vekisa sirumo sa Mkoma, ni milayo yakwe, ayiya nyamsi ni ku leletako, kasi ku u mana kuzumbiseka, kani? 14Wona nzuma ni nzuma ya tinzuma, si lumba Mkoma, Txizimu txako, kumweko ni mafu ni sotshe si si kuho ka ona. 15Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako. 16Yisani wukwerani timbilu tanu, mi si bangisi tithamo tanu. 17#Wona ni ka: 1 Tim. 6:15; Mith. 10:34; Var. 2:11; Vaef. 6:9; Vag. 2:6. Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa. 18Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo. 19Ngu toneto, randani mluveli, nguko nanu mi ti ti valuveli ditikoni ka Egipta. 20Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe. 21Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako. 22#Wona ni ka: Gen. 15:5; 46:27. Vakale vako i ti mtxhanu wa magumi ni mambidi dwe, mbimo yile va nga wulela ditikoni ka Egipta, konkuwa Mkoma, Txizimu txako, a ku andisile u txi tala nga tinyeleti ta nzumani.”
Currently Selected:
Dhewuteronome 10: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.