Popular Bible Verses from Dhewuteronome 28

Share

“Se ku na maheka taku, ngako u txi pfa dipswi da MKOMA, Txizimu txako, u vekisa sotshe sirumo sakwe, asi ni ku leletako nyamsi, MKOMA, Txizimu txako, a na kuguleta txitimwi ka yotshe mifumo ya ha mafuni.

Se otshe makatekwa ma nata txitimwi kwako, me ta kufenengeta, ngako u txi engisa dipswi da MKOMA, Txizimu txako

Se MKOMA a na kuveka kuva msungo, i si nga ka mkila, mbimo yotshe u na va u di txitimwi, i si nga kuva u di hahatshi, ngako u txi engisa ni kuvekisa sirumo sa MKOMA, Txizimu txako, asiya nyamsi ni ku leletako ti to u txi si vekisa, ni ku si londisa.

MKOMA a na kutulela thomba yakwe ya yinene, i ku nzuma, kasi ku e nisa mati ngu mbimo ya kona amu ditikoni kwako, ni kukatekisa wotshe mthumo wa manza ako; awe u na txenekisa ka mifumo yotshe, aniko awe khu na mbi txeneka, txilo ka yona.

MKOMA a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

MKOMA a na ruma ti to makatekwa ma txi simama kwako, amu sizendani kwako ni ka yotshe mithumo ya manza ako; kambe a na kukatekisa ka ditiko dile a no kuninga.

U na katekiswa mbimo yi u wulelako, u katekiswa ni mbimo yile u humako.

U na katekiswa amuwa didhoropani, u katekiswa kambe ni thembweni.

Wu na katekiswa muhando wa mndani kwako, ni muhando wa thembweni kwako, ni muhando wa sifuyo sako, i ku marole a tihomu tako, ni sinvutana sa tinvuta tako.

MKOMA a na kumaha ditiko dakwe do sawuleka, nga ti ene a nga ku xambanyela, ngako u txi vekisa sirumo sa MKOMA, Txizimu txako, ni kungako u txi tsimbila ngu tinzila takwe.

Ku na katekiswa thavangu yako, ni ditxhelo dako.

MKOMA a na andisa sihiwa sa mihando ya mndani kwako, ni sa mihando ya thembweni kwako, ka ditiko di MKOMA a nga xambanya ka vatate vako ti to va na kuthava.

Se vathu va mafu otshe, va na ti wona ti to u dhanwa ngu ditina da MKOMA, va na kuthava.

Ngako u si hambuki uya txinene mwendo txibhabha, ka otshe mapswi ale ni ku leletako ona, kasi u si londisi simwani sizimu, u txi si thumela.”

Kambe ku na maheka taku, ngako u si engisi dipswi da MKOMA, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.