Popular Bible Verses from Luk 17

Share

Dawak muih al yakat aput kalyulna: —Lawah dawak yawah; rahm kulnin lani dutaman kidika yulni yamni mayamna.

Ma as pasyakat wat tiaskaubu man namangkauh dutni yamwi dawi kaiwi wat tiaskaubu aput mayulwarang kat: ‘Wattik kaput yamtas awaki’, man lawa dutni datang disnin karangki.”

Witingna kaupak as kaltalwakat sikninis kaupak yamni kalyamna kat, sarahwi Papang yakat ayangni nuhni yamwīnah nawatwi kaina dai, dawak Jisas muhnit yakat limbabahwi sau kat abukwi tingkih kalana dai. Adika alni laih Samaria kaupakdai.

¡Manna amung talnauh! “Man wirahma kidika dutni yamwa kat, biltah; kaunah di yamwa balna kidika wirlawarang kat, dutni datang diswang.

Jisas laih aput yulna: —¿Ais witingna muih salap awasdaih sikninanis kaupak yamni diyamna kidika? ¿Ūk balna tiaskau arungka kidika laih angkat bangyah?

Dawan yaklau nangnitnalana: —Manna rahm kulnin lani kidika dutamana kat laih, mustat minik kaput dai karang bik, adika panan yakat kalyulnamna sipdai: ‘Akaupak dutta alahwa kuma yakat yawa kaldahtah’, dawak yulmana dakawarang ki.

Angdika muihni sangnika laihtik yakkuh tarang kidika laih diswarang ki; kaunah angdika muihni diswarang kidika laih, laihwi yakwarangki.

Jisas yaklau disainipil balna yakat diyulna: “Di dutni kidika laih ban kaput kaiwarang; kaunah ¡alakaih angdika muihni yaklau muih ūk balna yakat diyamwakat dutni yayamwarang kidika laih! Baisa yamni karangki dinimak yakat kipala kau sitwi kuma yakat ruhm'ahawarang kat, adika dibinina yakat diyamwakat dutni yayamwarang kidika karak dawakat.

Noa mani balna yakat bayakna kapat, sihm kapat bayakwarangki muih Walanibis al kaiwarang mani balna kidika. Muih balna kidika laih di kakaswadai, didiwadai dawak bik marid kalalahwadai, Noa kuring yakat kana mani kat kidika, dawak was nuhni āwakat bitik dadauna dai.