Popular Bible Verses from Lukas 12

Share

Eti kak, kit kinakla nen, At etinem wisigin, yiluk ambigidek akerak werek nggorlek, an abat endak lasi wagagi etnogo, arat wisigin eti, kit kinebe nggarelogo dogoni o,” yiluk yogisasike.

At Allah apma unggiluk dogogun eti mende nggogot dugun kalok, kit yi mende ndi mende eti oba dukogo wokisaginat o.”

akoni dogalegat yomenogo men yogisasike, “Akoni inamende dogalegat werek eti paga iniluk dogoligogi dek o. Yi mende ndi mende an mende arlek dogolep, yiluk inakla ambasi dogunogo yiluk kinobabut kwalogo dogoni o,” yiluk yogisasikesik

Kinamende kinendainggen kunik mende etoma nandorlek werekma, kinendainggen etomaat dogogin o,” yiluk yogisasike.

Nen, kit amberek nen, An watlasusak arat etinem, ʼbogokogo watlagidek, ʼbugurlagat omanggi inom niluk dogolep a, yiluk wene munini uwan ʼbero ebesigin eti paga kiluk omanggi inom dogogin nogo? Erlok dek o.

Esigit diluk yogisalok, at agoromi ane waganggo laguka mende yomenogo men yogisasike, “An nen esigit diluk yokisigi eti paga, kit kinakla nen, Niniluk doguwogoluk, ninambiri nena mende nugun. Niniyom nena mende yikasi dogogun, yiluk, kinendainggen pisikogo wene munini uwan ʼbero ebeko dogunogo yiluk yokisigi o.

Nen, kit kinisi kinunggulowakma taʼbokogonat, at Allah nen inggi mondok wenago werek o. At Allah nen sewe wurle dogalegat eti nggok negen ambaligogo ʼbuk. Kinebeat nggok mondok ambaligogo o. Eti paga kinayuk dekogo dogoni o,” yiluk yogisasike.

“Eti paga, kit Allah aʼburi domba negen omanggimo kulogo unggiluk dogoligogo mende kinebe ʼbugurlagat mende yi, nagarlagi nirugi o! Allah nen kit at apma ʼbinagigiluk akla ambasikesik werek eti paga, kinayuk agup o.

At sewe nggin obabut kagarigogo mende didini o. At nen yi mende ndi mende ai yakik, enggen mbalkik, kagarigogo mondok dek. Nen, yabunggane nausak mende enggen mbalogo o palekma ʼbakaligogoma mondok degat mende, at Allah nen ambiri wogorigogo. Mende, at Allah sewe eti ebegisak ambaligogo nogo? Dek o. Kit kinebeat ebegisak ambasi dogolik kinambiri wokisagin dek nogo? Wokisaginat o.

Kinakla nen, Ninambiri inom, ninagi inom, nena mende nugun yiluk, eti mendeat nggogot diluk kinendainggen pisik dogogup o.

Ongga kerlengga o limo dogoligogo mende eti, yogondak kak, pano dogoluk nen, kubulukngge, kindumo kun diyiligogi mendeat, Allah nen iniyom yika wisu kak enggen mondok pano kagarogo ʼbiyiligogi eti kak, kit nen kiniyom yiʼbinagagin dek nogo? Kinendainggen at oba panggot diluk dogoʼbuk yi!

Mende, yi mende ndi mende sebelek mende eti selekmat digik, kimago werek mende eti inilurogo selekmat digik, kagasiginat o.