Lukas 12
12
“Ap Farisi mende inendainggen mbere eti paga weyagat kinabunogo nen, kinobabut kwalogo dogoni,” yiluk yogisasike wene
(Matius 10:26-27)
1Wene esigit diluk yisi nggorlek, akoni mondok dogalegat nandorli wagukama, inebe mondok nggirlik-nggerlekogo nen, it amberek nen it amberek iniyok unggut sebelogo ĘĽbigik kagarik laguka. Esigit diluk kagakonem, at Yesus nen at agoromi ane waganggo laguka mende yomenogo wene men ndak yogisasike,
“Ap Farisi mende inobabut, enggen roti pisuwagaluk, akla wusa ʼbiligogi mende eti negen dogolik, inowado pagaat pano salek, inendainggen mbere eti paga, weyagat kinabunogo yiluk, kinobabut kwalogo dogoni o. 2Mende, yi mende ndi mende sebelek mende eti selekmat digik, kimago werek mende eti inilurogo selekmat digik, kagasiginat o. 3Esigit diluk kagasigin eti paga, kit o amummo dogolik yisi lagap mende eti, o liya paga yisinem taʼbokogonat inasuk kolugun o. Nen, uma dogolik kinane pok-pok inasukmo yisi lagap mende eti, o warlengge amun oba dagiluk inane nggokogo yogisasinem kolugunat o,” yiluk yogisasike.
“Allah kinayukogo dogusak,” yiluk yogisasike wene
(Matius 10:28-31)
4Esigit diluk yogisasikesik, omanggi men yogisasike,
“Nagarlagi nirugi o! An wene yi kit kinake yokisak o. Akoni nen kinebe kinasugun eti kinayuk agup o. Kinowado sikmangge mendeat kinatluk nen, it nen yabunggane weyagat kinabusak erlok dek eti paga, kinayuk agup o. 5Mende, kit ta kinayukogo dogusak nogo? An nen yokisak. At Allah nen kinebe kinatluk, yabunggane kali aikmo erlok laʼbinagusak werek etiat kinayukogo dogoni, yiluk yokisaligogo o. 6Mende, sewe wurle eti onggo meren mbaligogi nogo. Ebe 5 mende onggo uang sen mondok ʼbugurlakndek mbere mende paga waganigogi ambigi. Esigit diluk kagarigogi mende, at Allah nen sewe eti omanggiat mondok obarlikma digidek eberek mondok dogoligogo o. 7Nen, kit kinisi kinunggulowakma taʼbokogonat, at Allah nen inggi mondok wenago werek o. At Allah nen sewe wurle dogalegat eti nggok negen ambaligogo ʼbuk. Kinebeat nggok mondok ambaligogo o. Eti paga kinayuk dekogo dogoni o,” yiluk yogisasike.
Akoni inilka paga, “Yesus an newe,” yiluk inane ʼbukakogo yusak wene
(Matius 10:19-20, 32-33; 12:32)
8Esigit diluk yogisasikesik, omanggi men yogisasike,
“Ta nen akoni inil oba,
Yesus eti an newe o, yiluk ĘĽbukakogo yisi kalok, an abat endak lasi wagagi etnogo nen, it malaikat Allah nen yonggo laĘĽbiya wirigogo mende yomenogo inilka paga,
At yi an nagot o, yiluk, it pasik nane ĘĽbukakogonat yogisagin o. 9Mende, ta nen, akoni inilka paga,
Yesus eti an nonggodek o, yiluk laĘĽbelko kalok, an nen, malaikat Allah nen yonggo laĘĽbiya wirigogo mende yomenogo inilka paga,
At eti an nonggodegat o, yiluk, nane ĘĽbukakogo yogisaginat o. 10An abat endak lasi wagagi etnogo inakla kai daniluk nendaga weyagat dugun mende eti inebe dombok Allah nen sagalogo deget diyagin mende, Allah Agurengge eti inakla kai diluk endaga weyagat dugun mende eti Allah nen sagalogo deget diyagin mondok dek o. 11Kit kinendema waganuwagaluk akoni nen it akoni Yahudi mende sembayan yiligogoma etoma inom, it ap pemerintah inelokoma etoma inom, it ap inendaganggok inelokoma inom, wokisek ĘĽbinagi lugun kalok, kit kinakla nen,
Nit ninowado ndilogo wene onggo nggi mende yugun, yiluk kinendainggen pikup o. 12Etinem, kit nen wene onggo yuwagaluk Allah Agurengge nen,
Yigit diluk yini o, yiluk, kinakla nggagaligin mende werek o,” yiluk yogisasike.
“Ap omanggi nggok inggiwerek mende, obabut nggembu negen kagakike,” yiluk oba lisogo yogisasike wene
13At Yesus nen esigit diluk yogisasinem, it akoni dogalegat nandorlek welaguka mende yomenogo omanggiat nen, men yogokike,
“Newe. An newe nen nit ninombae watlago dogolik at inggi ʼbiluk nit nimbisak ninake ʼbiluk laga mendeat, nagarlak arligat korlasikesik werek eti, omanggi minggirlogo woknisuwak nen, yogotno o,” yiluk yogokikemo, 14at Yesus nen, men yogokike,
“Kinebe kulogo ʼbinagaluk kinamende dombok sumbut kisausak eti, an mendanggemo ambegen a?” yiluk yogokikesik 15akoni dogalegat yomenogo men yogisasike,
“Akoni inamende dogalegat werek eti paga iniluk dogoligogi dek o. Yi mende ndi mende an mende arlek dogolep, yiluk inakla ambasi dogunogo yiluk kinobabut kwalogo dogoni o,” yiluk yogisasikesik 16wene omanggi oba lisogo men yogisasike,
“Ap nggok mende omanggi nen wen agat mirlimo panoma ai yakikemo nen, ebe enggen dogalegat yikikemo, 17at ap etnogo akla nen,
Ai yaki mende ebe enggen dogalegat yike eti, ebe mbalogo ĘĽbiginmo obalik dekma, ninggit diluk kagasigin, yiluk nen, akla ebeko lagike. 18Akla ebeko lagikesik nen,
Yigit diluk kagasigin, yiluk, men akla ambasike,
O palekma alep ĘĽbisi lagima yi miyalogo nen, yabunggane nggok mende omanggi pal diluk nen, an namende inom, yi mende ndi mende ai yaki mende enggen mbalek inom, o etoma mondok ĘĽbisi dogogin. 19Esigit diluk ĘĽbakalok werek nggorlek, nenggaerek nen nasuk warasi dogolik,
Yogo. Mo dagigik, wusigik, kagako nggorlek yi tahun ndi tahun ake namende dogalegat erlogat ĘĽbakigirikmo pano. Yogondak set walogo dogolik, kimbiri ninggik, onggen ambusu ninggik, nasi dogolik nen, nakla arlenggen kasi dogogin o, yiluk, nenggaerek nasuk warasi dogogin, yiluk ambasi lagikemo, 20at Allah nen,
Ap yi, kendainggen mondok dek yi! Yogondak kibanggo yi arat kagurengge nggigikogo wula ʼbiya wisigin o. Wula ʼbiya wagonem, kamende mondok dogalegat nandorlogo ʼbakegen etoma ta inde asigin ambegen, yiluk esigit diluk yogokike. 21Eti kak, it akoni Allah il oba ebeat mende waganggidek dogolik, it inenggaerek mendeat nandorlogo ʼbakiligogi eti, imbisak ndak-ndak o,” yiluk yogisasike.
“Kinendainggen pikup o,” yiluk yogisasike wene
(Matius 6:25-34)
22Esigit diluk yogisalok, at agoromi ane waganggo laguka mende yomenogo men yogisasike,
“An nen esigit diluk yokisigi eti paga, kit kinakla nen,
Niniluk doguwogoluk, ninambiri nena mende nugun. Niniyom nena mende yikasi dogogun, yiluk, kinendainggen pisikogo wene munini uwan ĘĽbero ebeko dogunogo yiluk yokisigi o. 23Niligogo mende eti ĘĽbugurlagat mende, nggok eti, kinebe kiniluk dogusak etiat o. Nen, su yikiligogi mende eti ĘĽbugurlagat mende, nggok eti, kinebeat o. 24At sewe nggin obabut kagarigogo mende didini o. At nen yi mende ndi mende ai yakik, enggen mbalkik, kagarigogo mondok dek. Nen, yabunggane nausak mende enggen mbalogo o palekma ĘĽbakaligogoma mondok degat mende, at Allah nen ambiri wogorigogo. Mende, at Allah sewe eti ebegisak ambaligogo nogo? Dek o. Kit kinebeat ebegisak ambasi dogolik kinambiri wokisagin dek nogo? Wokisaginat o. 25Nen, kit amberek nen,
An watlasusak arat etinem, ĘĽbogokogo watlagidek, ĘĽbugurlagat omanggi inom niluk dogolep a, yiluk wene munini uwan ĘĽbero ebesigin eti paga kiluk omanggi inom dogogin nogo? Erlok dek o. 26Eti paga, kit nen yi mende ndi mende wene ĘĽbugurlagat mende kagasusak erlok dek nen dogoligat, nggok mende eti kinakla wene munini uwan ĘĽbero eberigogi eti nenaluk. 27O enggen mirlinggen-morlanggen onggamangge yirigogi eti didini. O enggen eti awan yisigiluk, yabu dikak yugulogo waganggik, yo negen dalogo su yikik, kagarigogi mondok dek mende, ap nggok Salomo etnogo obanggengge waganekma pogorako laguka eti elokonggen erlok dek o. O enggen etiat, elokonggen mondok pano eti ĘĽbikani o! 28Ongga kerlengga o limo dogoligogo mende eti, yogondak kak, pano dogoluk nen, kubulukngge, kindumo kun diyiligogi mendeat, Allah nen iniyom yika wisu kak enggen mondok pano kagarogo ĘĽbiyiligogi eti kak, kit nen kiniyom yiĘĽbinagagin dek nogo? Kinendainggen at oba panggot diluk dogoĘĽbuk yi! 29Kinakla nen,
Ninambiri inom, ninagi inom, nena mende nugun yiluk, eti mendeat nggogot diluk kinendainggen pisik dogogup o. 30Esigit diluk kagarigogi eti taʼbokogonat, it akoni sikmangge mende nen eti mende nggogot diluk kweyarik liligogi mende, kit yiat, yi mende ndi mende dek nen yiluk kininggi dek negen dogoligogi eti, kinombae Allah iluat werek o. 31At Allah apma unggiluk dogogun eti mende nggogot dugun kalok, kit yi mende ndi mende eti oba dukogo wokisaginat o.”
“Pano mende mbogot oba ʼbinaguwagaluk laʼbakasi dogoni o,” yiluk yogisasike wene
(Matius 6:19-21)
32“Eti paga, kit Allah aʼburi domba negen omanggimo kulogo unggiluk dogoligogo mende kinebe ʼbugurlagat mende yi, nagarlagi nirugi o! Allah nen kit at apma ʼbinagigiluk akla ambasikesik werek eti paga, kinayuk agup o. 33Kit kinamende eti onggo mbalogo uang waganugun mende yomenogo it akoni inamende dek mende eti sumburisani o. Sumburisalok nen, uang dompet mondok weyak arigogo dek mende waganogo ʼbiluk, yukarlogo ʼbisi dogu kak, kinamende pano mondok dek asigin dek mende, it ap inil arurlu weyak mende nen ininggi abusak kimasi unggigik, warlo nen mbalkik, kagarigogi mondok dekma mbogot oba etoma yukarlogo ʼbinaguwagaluk laʼbakasi dogoni o. 34Kinamende kinendainggen kunik mende etoma nandorlek werekma, kinendainggen etomaat dogogin o,” yiluk yogisasike.
Yesus nen, “Kinobabut kwalogo dogusak,” yiluk yogisasike wene
35-36Esigit diluk yogisasikesik nen, yabunggane yogisasi dogolik,
“Ap nggokndek kumi yiginakonem lalok iyago nalok wagonem, agoromi anduwanengge mende anggorlem inobabut kwalogo werekma, at iyogoba witluk su mbumbu kasinem ibat kuwal kiligogi kak, kit nen, kiniyom panorogo yikogo nen kinagisagal yibarlogo ʼbiluk dogoni o. 37At nggok etnogo anduwanengge mende yomenogo inewe anggorlem werekma ebe wago dogumo nen, inakla arlenggen mondok kugun o. Esigit diluk anggorlem werekma witluk nen, at inewe etnogo iyom it iniyom negen yikogo, at agoromi yomenogo iyago etnogo nowagaluk inebe omanggimo dambukogo korek ʼbiyalok nen, at nen melagisa wisigin, yiluk yokisigi.
38“Esigit diluk kagasigin eti, at ebe o kibanggo enggendurlem wisigin a? O wisigiluk kagako nggorlek wisigin a. It anggorlem werekma inoba wagonem, inakla arlenggen nggogat kugun o.
39“Wene yi kinakla eberek dogoni. Ap ago indewerek mende omanggi akla ambasi dogolik,
O yogondak kibanggone jam eti paga an naguma yoma ap omanggi inggi abusak waganigiluk unggi wisigin, yiluk ilu dogolik ago anggorlem dogolepma, o ndalogo inggi abusak wagani unggilep dek o. 40Eti kak, kit kinakla nen,
At etinem wisigin, yiluk ambigidek akerak werek nggorlek, an abat endak lasi wagagi etnogo, arat wisigin eti, kit kinebe nggarelogo dogoni o,” yiluk yogisasike.
Ap nggok nen anduwanengge obabut mot kalok, nggorlo kalok, kagarigogi mende oba lisogo yogisasike wene
(Matius 24:45-51)
41At Yesus nen esigit diluk yogisasikemo at Petrus nen men yogokike,
“Newe! Wene oba lisogonat yegen eti, nit pasigat yegen a? At te, akoni taʼbokogonat ninom pasik yegen a,” yiluk yogokikemo, 42at ninewe Endaganggok Yesus nen, men yogokike,
“Ap nggok mende omanggi anduwanengge inanggorlem dogolik, inambiri wogisausak ndak-ndagat wogisasi dogowagaluk, at anduwanengge mende omanggi ayonggo ʼbisinem, at akla nggagalek dogolik obabut ewe ane yigin mende ndak-ndagat kagarigogo eti ta ambegep. At eti ewe eti nen, mendiluk liligogo etiat o. 43Mendiluk lagonem, anduwanengge etnogo esigit diluk motogo kagakonem, at ewe etnogo suguluk ilenggen ʼbika wago kalok, anduwanengge etnogo akla arlenggen mondok kagin o. 44Esigit diluk pano kagakonem, ʼbika witluk, ewe etnogo nen,
An namende yoma taĘĽbokogonat kat kinggi pago dogonok nen, yiluk mendigin o, yiluk eberogonat yokisigi. 45Mende, at anduwanengge mende eti akla nen ebeko dogolik,
Newe etnogo ibat wirigogo dek eti, dogoluk nen wisigin kigi, yiluk, at ewe anduwanengge amberek ap dek, kumi dek, ndugi inakik, kimbiri inom, anggur enggen ambusu inom, oba labogo nalok ilugun oba, anggur enggen ambusu eti nen ebe kunu-gunu agik, kagako dogolik, at nen,
46Newe etnogo o etinem, jam eti paga wisigin, yiluk mondok onggodek akeragat werekma, ewe nggok etnogo ĘĽbika witluk nen, anduwanengge etnogo mbirok oba ebe mondok warogo nen, it akoni amberek inendainggen Allah oba panggot digidek mende ĘĽbiyaligogoma etoma obalikmo laĘĽbigin o.
47“Ap anduwanengge mende omanggi akla nen,
An newe nen, Esigit diluk kagarogo ĘĽbanilep, yiluk akla ambaligogo mende ilu dogoligat, kagarogo ĘĽbiyigidek dogogin kalok, ap eti ndugi aik werek wasi wisigin o. 48Mende, anduwanengge mende omanggi akla nen,
An newe nen,
Esigit diluk kagarogo ĘĽbanilep, yiluk akla ambaligogo mende onggodek dogolik esigit diluk kagarogo ĘĽbiyigidek kalok, ndugi aik weyak wasusak morat weyak kagako kalok, ndugi ĘĽbugurlagat negen wasi wisigin o. Akoni inebe dombok dogalegat wogisagin mende eti, enggaerek wago dogolik dogalegat nggino yigin o. Nen, yi mende ndi mende nggokogo ininggi pago dogowagaluk mendiyagin mende eti, yabunggane,
Nggokogo woknitni, yiluk yigin o,” yiluk yogisasike.
Yesus nen, “Akoni inebe omanggiat mende inom agorogo ʼbiyagaluk wagagi,” yiluk yogisasike wene
(Matius 10:34-36)
49Esigit diluk yogisasikesik nen, yabunggane men yogisasike,
“An nen, o agat oba yoma kali ʼbigiluk wagagisikmo yiluk, kindu eti ibat amulok yibat latnek, yiluk ambaligogo. 50Akoni yoma ima wusa ʼbiyiligogi kak, an yi aik ndi aik kagat nabugun mende, awan werek nggorlek, nakla weyak mondok werek. 51Kit kinakla nen,
At agat oba yoma wagike eti, akoni agat oba mende yoma dambulogo ʼbinanigiluk wagike, yiluk ambegep a? Dek o. An nen, kurli mbalogo ʼbinagigiluk wagagi, yiluk yokisaligogo o. 52O yogondak kurli nen, ap omanggi aʼburi inom inebe 5 inago omanggimo mende dogolik, it-it inom agot latluk, inebe kenagan nen, inebe mbere inabok mbalkik, nen, inebe mbere nen, dagakogo inebe kenagan eranogo inabok mbalkik, yugun o. 53Inom esigit diluk agorek dogolik, ombae nen aʼbut imbisak weyak agik, aʼbut nen ombae imbisak weyak agik, agoya nen eyak imbisak weyak agik, eyak nen agoya imbisak weyak agik, akowan nen, agalko imbisak weyak agik, agalko nen akowan imbisak weyak agik, esigit diluk inom weyak arik lugun o,” yiluk yogisasike.
O yogondak elokonggen kagat lagonem didusak wene
(Matius 16:2-3)
54Esigit diluk yogisasikesik nen, akoni nebe dogalegat yomenogo wene omanggi men yogisasike,
“O mulinggi wusa liligogomangge barat etoma nen oisa omanggi dagi wago kalok,
I! Miyo wisigiluk kigi, yiluk oba nen, miyo arat wirigogo. 55Nen, o kwiyakne i ambut mot-mot selatan etoma nen wago kalok,
I! O kibi asigin kigi, yiluk oba nen, arat kibi wirigogo o. 56Kit kinowado pagaat pano salek kinendainggen mbere yi! Mbogot agat elokonggen didiluk nen,
Esigit diluk kagat lasigin, yiluk, kinendainggen enggerlekogo dogolik, aren enggagat mbaligogi mende, o yogondak werek ya paga yigit diluk kagat lasigin, yiluk didigidek werek eti nenaluk,” yiluk yogisasike.
“Wene kinoba ʼbiligogi mende sagalogo deget dino,” yiluk yogisasike wene
(Matius 5:25-26)
57Esigit diluk yogisasikesik, wene omanggi men yisike,
“Wene kinenggaerek nen ilonggon warogo morediligogi dek nenaluk. 58Ap omanggi kimbisak agorek mende nen wene erlo mbileligogo mende inoba wokarek lalok, it ap eti nen kebe polisi wogisamo, it nen, ininggi kerle warogo ʼbiyiligogoma etoma nggola ʼbagi launogo nen, awan kolagarlemngge lago dogolik, etaat kimbisak wene sagalogo deget dino o. 59Nen, sagalogo deget digidek kalok, kinggi kerle warogo nggola ʼbagumo onggo ʼbogokogo mondogat wogokidek kalok, etoma nen kerle piyalogo wula ʼbagusak mondok degat o, yiluk yokisigi,” yiluk yogisasike.
Currently Selected:
Lukas 12: DNA
Highlight
Share
Copy
Want to have your highlights saved across all your devices? Sign up or sign in
