Popular Bible Verses from Lukas 14

Share

“Kit kinagoya kinombae lak inom, kinagugi kinaʼburi inom, kineugi kinagoromi inom, kit kinenggaerek kinebe eti inom, taʼbokogonat, Mondok naʼit o, yiluk, ambigidek dogolik, an nagoromi asuwogoluk napma unggi wisusak erlok dek o.

O paga mendiluk inarigogo mende etnogo kinago dombok wolok nen, an nomborlik wisugun dek kalok, an nagoromi asuwogoluk napma unggi wisusak erlok degat o.

At ta nen enggaerek endainggen siyat dakagin kalok, Allah nen sebelogo ʼbigin o. Nen, ta nen enggaerek endainggen sebet dakagin kalok, yabunggane Allah nen siyat digin eti paga, kat esigit diluk kayonggo ʼbisi kalok, etoma korek werekma, ap kayonggo ʼbigin mende etnogo witluk nen, Nagarlak, kat ap nggokndek korek larigogoma korek lasi me o, yiluk yisi kalok, it akoni saʼbokogonat pesta iyago kinom nuwogoluk wisugun mende yomenogo inilka paga yokogonem, it nen, Ap yi nggogat kigi, yiluk inilenggen enggagat kiyagun o. Eti paga, ap werlek mende korek larigogoma etomaat korek lasi lausak o,” yiluk yogisasike.

Eti kak, kit amberek kinamende yi mende ndi mende togot diyigidek dogolik an nagoromi asuwogoluk napma unggusak erlok dek o,” yiluk yogisasike.

Kit amberek nen o nggayo nggit mende obarluk mberlasusak kinakla ambaligogi kalok, o ebe ndirlipogo palusak mende uang erlok werek a? Dek a, yiluk kininggi wenakidek, we yugunat paligogi ambegep? Dek o. Onggo mbalu eti kininggi wenakidek mbalko kalok, o kerlaga laʼbiluk mendeat, o ebe ndirlipogo palusak erlok dek ago kalok, it akoni nen inilenggen kasi dogolik, Ap eti o kerlaga laʼbekesik mende, ndirlipogo palusak erlok dek agama togot deke o, yiluk kinobando asunogo.

Mende, kat esigit diluk iyako dogolik kalok, it inamende dek, ininggi dek mende eti inom, inuwak sagalek mende inom, iniyok ut warek mende inom, inilenggen mbuk mende inom, it esigirlik mende dombok inayonggo ʼbisi dogono. Esigit diluk inayonggo ʼbisi dogumo, it nen kat kayonggo ʼbusak dek eti paga, kat kakla arlenggen nggogat kagin o. It eti nen onggo wokosusak dekma eti akoni inendainggen mot mende watlatlukmo, Allah nen inilugurinabigin etinem, kat kagako dogogin mende onggo, at Allah nenat wokisigin o,” yiluk yogisasike.

Esigit diluk yogisasikesik, omanggi men yogisasike, “Iluge eti pano o. Mende, aik dek ago kalok, nena mende paga aik wereget asusak? Dek o. Iluge aik dek mende eti, ai yagoma ʼbigik, agat mirli asuwagaluk wen ayuka ʼbigik, kagasusak mondok dek nen, mbo laʼbiyiligogi o, yiluk yokisigi mende eti kinasuk kolusak kalok, panorogo kolini o,” yiluk yogisasike.