Lukas 14
14
Ap omanggi inggi iyok pisik mende Yesus nen pano kagakike wene
1Esigit diluk yogisasikesik, yabunggane ininggi 7 paga Hari Sabat, Allah ake werlegat dogolik, Yesus ap Farisi mende ineugi nggokndek mende omanggiat aguma kimbiri imbisak nuwogoluk lagikesik werekma, akoni nen, at Yesus inilenggen panorogo waganggo laguka. 2Esigit diluk inilenggen waganggo werek nggorlek, ap omanggi inggi iyok u ya pisik nda pisik welagike mende Yesus elokoma eranogo mot-mot wagikesik welagike. 3Werekma, at Yesus nen ap Allah wene kolal mbalek indewerek mende inom, ap Farisi mende inom, yomenogo yogisasi dogolik, men yogisasike,
“Wene Allah nen ninasuk wakike mende eti paga, at nen yisi dogolik,
Ininggi 7 paga Hari Sabat an nake werlegat dogolik akoni u warek mende erlok pano kagarinabusak yisike a? Dek a,” yiluk esigit diluk yogisasikemo, 4it yomenogo nen wene onggo yigidek inane degat puk agukama, at Yesus nen ap etnogo inggi pagogo u pano kagakikesik nen,
“Lan o,” yiluk laʼbisike. 5Laʼbisikemo, ap etnogo lago nggorlek, at Yesus nen it yomenogo men yogisasike,
“Hari Sabat Allah ake werlegat dogolik mende, kit omanggi kinaʼbut a? Kinanggo sapi a, i agat kulelekma nduntogo wusasi kalok, ibat-ibat kininggi pagogo liya ʼbusak dek nogo? Liya ʼbusagat o,” yiluk yogisasikemo nen, 6it ap yomenogo nen wene onggo yogosusak, erlok dek agikemo inane mondok yigidek puk aguka.
“Iyago nuwogoluk esigit diluk korek lasusak,” yiluk yogisasike wene
7Ap nggok mende omanggi nen akoni inom kimbiri omanggimo nuwogoluk inayonggo ĘĽbisike mende, ap nggokndek mende korek larigogoma korek lagukasik werekma, at Yesus ilenggen ĘĽbiriyalok, wene oba lisogo men yogisasike,
8-9“Ap omanggi age waganggo dogolik, pesta iyago nuwogoluk, kat omanggi kayonggo ʼbisi kalok, kat kebe elege negen mende, ap omanggi nggok mende kimbisagat kinayonggo ʼbigin eti paga, ap nggokndek mende korek larigogoma korek lasi lagup o. Esigit dilugat korek lasi lalok werekma, ap nggok mende kimbisak kinayonggo ʼbigin mende etnogo wago kalok, at ap kinayonggo ʼbigin mende etnogo nen yokogo dogolik,
Nagot yi. Ap yi kat kobalikmo korek lasuwak nen, kat kebe, yiluk yokogo kalok, kat kenggarli atluk ap werlek mende korek larigogoma korek lasi launogo nen, ap nggokndek mende korek larigogoma eti mbiyokogo korek lasi lagup o. 10-11At ta nen enggaerek endainggen siyat dakagin kalok, Allah nen sebelogo ĘĽbigin o. Nen, ta nen enggaerek endainggen sebet dakagin kalok, yabunggane Allah nen siyat digin eti paga, kat esigit diluk kayonggo ĘĽbisi kalok, etoma korek werekma, ap kayonggo ĘĽbigin mende etnogo witluk nen,
Nagarlak, kat ap nggokndek korek larigogoma korek lasi me o, yiluk yisi kalok, it akoni saĘĽbokogonat pesta iyago kinom nuwogoluk wisugun mende yomenogo inilka paga yokogonem, it nen,
Ap yi nggogat kigi, yiluk inilenggen enggagat kiyagun o. Eti paga, ap werlek mende korek larigogoma etomaat korek lasi lausak o,” yiluk yogisasike. 12Esigit diluk yogisalok nen, at Yesus nen ap ago indewerek inayonggo ʼbisike mende etnogo yogoko dogolik,
“Dinggagane a? Keyamnggengge a, kat nen akoni kinom kimbiri omanggimo iyago nuwogoluk kalok, kinom kunik mende inom, kagarlagi mende inom, kirugi kagakugi mende inom, ap nggokndek inggiwerek kinom werek mende etoma inom, inayonggo ʼbugup o. Esigit diluk kagaken kalok, onggo yabunggane it omanggi iyako dogolik kat kayonggo ʼbumo, onggo wokisunogo. 13Mende, kat esigit diluk iyako dogolik kalok, it inamende dek, ininggi dek mende eti inom, inuwak sagalek mende inom, iniyok ut warek mende inom, inilenggen mbuk mende inom, it esigirlik mende dombok inayonggo ʼbisi dogono. 14Esigit diluk inayonggo ʼbisi dogumo, it nen kat kayonggo ʼbusak dek eti paga, kat kakla arlenggen nggogat kagin o. It eti nen onggo wokosusak dekma eti akoni inendainggen mot mende watlatlukmo, Allah nen inilugurinabigin etinem, kat kagako dogogin mende onggo, at Allah nenat wokisigin o,” yiluk yogisasike.
“Ap omanggi nen kwe yiko dogolik, pesta iyago na wisuwagaluk inayonggo ʼbisike,” yiluk oba lisogo yogisasike wene
(Matius 22:1-10)
15At Yesus nen esigit diluk yogisasikemo, akoni kimbiri nuwogoluk korek welaguka mende yomenogo, ap omanggi nen asuk kolkikesik, Yesus men yogokike,
“It akoni Allah apma ʼbiyiligogoma dogolik kimbiri nugun mende eti inakla arlenggen kasi dogogun o,” yiluk yogokikemo, 16at Yesus nen, men yogokike,
“Ap omanggi pesta nggok iyasigin yiluk abok mbal diluk nen, akoni mondok dogalegat inayonggo ʼbisike. 17Inayonggo ʼbisikesik, ebe arat iya ʼbiluk nen, anduwanengge omanggi yogoko dogolik,
Pesta iyago yi arat nausak aga o. Akoni inayonggo ĘĽbigi mende yomenogo wisuwak nen, woginabi lan o, yiluk laĘĽbisike. 18LaĘĽbisikemo, yogisilik lagonem, it akoni yomenogo taĘĽbokogonat inaĘĽit nen inane ĘĽbindokogo yisi dogolik, at omanggi nen,
An wen omanggi onggo mbalkirikmo, nilenggen ĘĽbika lagaluk o. Nagarlak, iyago nugun eti an wisigin dek o, yiluk yogokike. 19Nen, at omanggi nen,
An sapi owarlinggen waganek mende 10 paga mberendek dombokigik onggo mbalki mende nilenggen ĘĽbika lagaluk o. Nagarlak, iyago nugun eti an wisigin dek o, yiluk yogokike. 20Nen, at omanggi nen,
An nage ngget waganggirikmo eti paga, iyago nugun eti an na wisusak erlok dek o. Nagarlak, yiluk yogokike. 21Inane esigit dilugat yilik lagukama, at anduwanengge etnogo nen ewe etnogo yogosi wagike. Yogosi wagikemo, at ewe indewerek etnogo akla agaga nggogat dagiluk, men yogokike,
O kota yi, kolak nggokmangge, ĘĽbugurlakmangge lago dogolik, akoni inamende dek ininggi dek mende inom, inuwak sagalek mende inom, inilenggen mbuk mende inom, iniyok ut warek mende inom, wogisek witno o, yiluk yogokike. 22Esigit diluk yogokikemo, at ap etnogo lagikesik nen wagikesik, ewe etnogo men yogokike,
Newe o. Yokneken etnogo wogisek wagi mende, o pelak mondok selek werek o, yiluk yogokike. 23-24Esigit diluk yogokikemo, ewe etnogo nen anduwanengge etnogo yogoko dogolik, men yogokike.
Pestaiyaki mende yi, it akoni alebagik inayonggo ʼbigi mende eti nausak mondok dek o, yiluk yogokike. Akoni o kota yi sikmangge, kolak nggokmangge, ʼbugurlakmangge yugunat liligogi eti an naguma yoma o nggerlekogo unggi wisuwak nen, kane obatnerogonat woginabi lalok ʼbiya unggi witno o, yiluk yogokike,” yiluk Yesus nen yogokike.
“Yi mende ndi mende togot diyalok nen, an nomborlik wisusak o,” yiluk yogisasike wene
(Matius 10:37-38)
25Akoni mondok dogalegat, at Yesus omborlik lago lagukama nen, at Yesus eloke mirlokogo it akoni wogisalok nen,
26“Kit kinagoya kinombae lak inom, kinagugi kinaʼburi inom, kineugi kinagoromi inom, kit kinenggaerek kinebe eti inom, taʼbokogonat,
Mondok naĘĽit o, yiluk, ambigidek dogolik, an nagoromi asuwogoluk napma unggi wisusak erlok dek o. 27O paga mendiluk inarigogo mende etnogo kinago dombok wolok nen, an nomborlik wisugun dek kalok, an nagoromi asuwogoluk napma unggi wisusak erlok degat o. 28Kit amberek nen o nggayo nggit mende obarluk mberlasusak kinakla ambaligogi kalok, o ebe ndirlipogo palusak mende uang erlok werek a? Dek a, yiluk kininggi wenakidek, we yugunat paligogi ambegep? Dek o. 29-30Onggo mbalu eti kininggi wenakidek mbalko kalok, o kerlaga laĘĽbiluk mendeat, o ebe ndirlipogo palusak erlok dek ago kalok, it akoni nen inilenggen kasi dogolik,
Ap eti o kerlaga laĘĽbekesik mende, ndirlipogo palusak erlok dek agama togot deke o, yiluk kinobando asunogo.
31“Nen, eti kak omanggi, ap endaganggok omanggi nen wim abok wula ʼbiluk ap nggok omanggi inom abi luwogoluk nen, ebe ndak laʼbukogo korek latluk nen,
An nagoromi inebe 10 ribu ya, at ap nggok eli agoromi inebe 20 ribu eti inom erlok abusak a? Erlok dek a, yiluk akla ebekidek, mbiyokogonat abigogi nogo? 32Dek o. Inakla ebeko dogolik,
Abusak erlok dek, yiluk ambasi kalok, it sili mende yomenogo awan walegat nen wago nggorlek,
Wim abusak dek o, yiluk,
Ninom dambuluwok nen, onggo nena mende wokisausak, yiluk yonggo laʼbiyiligogi ambigi. 33Eti kak, kit amberek kinamende yi mende ndi mende togot diyigidek dogolik an nagoromi asuwogoluk napma unggusak erlok dek o,” yiluk yogisasike.
“Iluge aik dek ago kalok togot diyiligogi,” yiluk yogisasike wene
(Matius 5:13; Markus 9:50)
34Esigit diluk yogisasikesik, omanggi men yogisasike,
“Iluge eti pano o. Mende, aik dek ago kalok, nena mende paga aik wereget asusak? 35Dek o. Iluge aik dek mende eti, ai yagoma ʼbigik, agat mirli asuwagaluk wen ayuka ʼbigik, kagasusak mondok dek nen, mbo laʼbiyiligogi o, yiluk yokisigi mende eti kinasuk kolusak kalok, panorogo kolini o,” yiluk yogisasike.
Currently Selected:
Lukas 14: DNA
Highlight
Share
Copy
Want to have your highlights saved across all your devices? Sign up or sign in
