Lukas 15
15
Yesus nen domba nalagike mende oba lisogo yogisasike wene
(Matius 18:12-14)
1Esigit diluk yogisasikesik, yabunggane ininggi omanggi paga, it ap pemerintah inake uang nggino yiluk nandorligogi mende inom, weyak kagarigogi mende yomenogo inom, inebe dogalegat Yesus ane inasuk koluwogoluk, oba waguka. 2Esigit diluk waguka mende, it ap Farisi mende inom, it ap Allah wene kolal mbalek indewerek mende inom, inilenggen ĘĽbiriyalok inane nggurli-nggurli yisi dogolik, men yisuka,
“Ap yi nen akoni weyak kagarigogi mende woginatluk kimbiri inom omanggimo niligogo eti nayuk a!” yiluk yisukama, 3at Yesus nen wene oba lisogonat men yogisasike,
4“Ap kit mende omanggi andomba 100 paga werekma nen, omanggiat nalogo kalok, 99 eranogo o limo ʼbiyalok nen, omanggiat nalaga mende eti togot digidek mondok kweyarik-mbugurik noko dogoluk nen arat kweyarigogo dek nogo? 5Esigit diluk arat kweyatluk akla arlenggen kalok ut oba kolantogo wolok, 6ewe agot inom, akoni amberek inago unggul omanggimo mende inom, taʼbokogonat waisalok nen,
An nanggo nalaga mende etnogo arat kweya kalok wagi eti paga, ninakla arlenggen kuwok o, yiluk yogisaligogo dek nogo? 7Eti kak, akoni inebe 99 eti nen,
An weyak kagaki etnogo nen, nobabut kwalasigin a? Dek o, yiluk, inobabut kwalagidek kalok, it mbogot oba dogoligogi mende eti inakla arlenggen kugun dek o. Mende, it akoni weyak kagarigogi mende omanggiat nen obabut kwalago kalok, it mbogot oba dogoligogi mende eti inakla arlenggen nggogat kugun o, yiluk yokisigi,” yiluk yogisasike.
“Kwe omanggi nen uang sen mende nalagike mende kweyakike,” yiluk oba lisogo yogisasike wene
8Esigit diluk yogisasikesik nen, wene omanggi men yogisasike.
“Kwe omanggi uang sen mende ebe 10 pago werekma omanggiat nalago kalok, togot digidek isagal yibat diluk, umangge amumulengge mondok wula ʼbiluk nggarelko dogolik, arat kweyakaligogo dek nogo? 9Esigit diluk, arat kweya kalok nen, kumi, at aksumi inom, inago sili omanggimo dogoligogi mende inom, waisasinem nandorlogo wagonem nen,
Nauang sen mende nalaga mende arat kweyakigi eti paga, nit taʼbokogonat ninakla arlenggen kuwok o, yiluk yogisaligogo dek nogo? 10Eti kak, akoni weyak kagarigogi mende omanggiat obabut kwalago kalok, it malaikat Allah nen yonggo laʼbiya wirigogo mende yomenogo inakla arlenggen nggogat kugun o, yiluk eberogonat yokisigi,” yiluk yogisasike.
“Ap omanggi aʼbut nalagike mende iyogoba wagike,” yiluk oba lisogo yogisasike wene
11Esigit diluk yogisasikesik nen, wene omanggi men yogisasike,
“Ap omanggi aʼburi ap inebe mbere welaguka. 12Mende, ap elabo mende nen ombae yogoko dogolik, men yogokike,
Nombae. Kat watlasumo kinggi ĘĽbiluk woknisusak mende yogondak woknisin o, yiluk yogokikemo, at inombae etnogo nen, at amende yabunggane sumbusogo wogisausak mende ndak-ndakogo taĘĽbokogonat aĘĽburi imbisak sumbusogo wogisasike. 13Esigit diluk sumburisasikemo, aĘĽbut elabo mende etnogo inggi omanggi inom dogoluk dek, yi mende ndi mende, at wogokike mende mondok taĘĽbokogo onggo waganggo lagikesik auang korlalok nen, o walegat etoma lagike. Lagikesik etoma dogolik, akla ebekidegat, yugunat kagarik noko dogolik, auang yomenogo mondok sirlik-mbirlikogo kagakike. 14Mondok sirlik-mbirlikogo kagarogo ĘĽbiluk werekma, o yomenogola kimbiri mondok no nggok agikemo nen, ap etnogo kimbiri abu weyak agike. 15Kimbiri abu weyak agikemo nen, ap etnogo akla nen,
Ap aiwerek mende omanggi eyabu kagakonem nambiri melaknoko dogowak nen yiluk, oba ligin, yiluk lagike. Lagikemo, ap aiwerek etnogo nen o wam da paga anggo inanggorlem dogowagaluk laĘĽbisike. 16LaĘĽbisikemo etoma dogolik at akla nen,
Nelabut asuwak nen yiluk, kimbiri asin yibilik wam niligogo mende eti nasi dogolep, yiluk ambasike mendeat, akoni amberek nen wogoko laguka mondok dek nen 17esigit diluk werlegat dogolik obabut kwalatluk,
Iya! An nombae etnogo aguma anduwanengge eyabu kagarigogi mende yomenogo inebe dogalegat kimbiri dogalegat ndindurogo ĘĽbigik nasi nggorlegat, an yiat, kimbiri abu nen watlasigin kigi! 18An yabunggane yoma nen nombae oba lalok nen, men yogosigin,
Nombae. At Allah mbogot oba mende eti inom, kat inom, kinil limagogo weyak mondok kagaki o. 19Esigit diluk weyak kagakirikmo eti paga, kat nen,
Yi an naĘĽbut, yiluk yabunggane yoknisusak mondok erlok dek o. At te, kat kanduwanengge mendeat ĘĽbanusak o, yiluk yogosi ligin, yiluk akla ambasike. 20Esigit diluk akla ambalok, o welagikemo etnogo togot diluk nen, ombae etnogo oba wisigiluk awan unggi wagidek werek nggorlek, at ombae etnogo nen welagat ilenggen lakalok endainggen aborlok yiluk, mbirirli lagikesik nen, obake purlukogo ambe sarluk keyagi wakike. 21Esigit diluk kagakikemo, at aĘĽbut etnogo nen, men yogokike,
Nombae! An, at Allah mbogot oba mende etnogo inom, kat inom, kinil limagogo weyak kagaki o. Esigit diluk kagakirikmo kat nen,
Yi an naĘĽbut, yiluk yabunggane yoknisusak mondok erlok dek o, yiluk yogokike. 22Esigit diluk yogokike mende, at ombae etnogo nen anduwanengge mende yomenogo waisasikesik men yogisasike,
Ibat lalok nen su pano mende etnogo wolok yiĘĽbi wagik, senggan pano mende inggimo yiĘĽbigik, sepatu iyokma yiĘĽbigik, ibat kagatni o. 23Esigit diluk kagat diluk nen, sapi eyak utkulik pano mende etnogo waganogo, at ake ninakla arlenggen kasi dogolik, warogo aogi iyasuwok o. 24An naĘĽbut yi watlaga ambogo mende iluk atluk waga yi! Mondok nalaga mendeat, yabunggane kweyakogo yi, yiluk, inakla arlenggen mondok kasuka.
25“Esigit diluk kagako nggorlek eranogoat, at ewe etnogo yabula welagikesik wagike kak, gitar wako dogolik endai wakonem inane asuk kolkike. 26Kolkikesik nen, ombae anduwanengge mende yomenogo omanggiat waikikemo wagikemo men yogokike,
Inane uma etoma ninggit diluk kagarigogi, yiluk, kinok waganggikemo, 27at anduwanengge mende etnogo nen,
Dek o! Kagot etnogo wagama o. At ebe oba u dek pano mondok wagama nen, kombae anggo sapi eyak utkulik pano mende etnogo warogo iyakasik kagarigogi o, yiluk esigit diluk yisikemo, 28at ap mangguya mende etnogo akla agaga dagaluk nen, aguma unggusak akla mondok mbuk agikesik werekma, ombae etnogo oba duki wagikesik nen, ane erogat,
Unggi luwok o, yiluk yogokike. 29Yogokikemo aĘĽbut etnogo nen ombae yogoko dogolik, men yisike,
Kasuk kolin. An, yi tahun ndi tahun kat kake keyabu mondok nggogat kagarigogo o. Esigit diluk kagako dogolik, kat nen,
Yigit diluk kagatno, ndigit diluk kagatno, yiluk yoknirigogon mende etnogo omanggi naĘĽit yigidegat kagarigogo mende, kambing eyak omanggiat an nagarlagi ninom ninakla arlenggen kasi dogowak nen yiluk iyago nowagaluk woknikidegat. 30Mende, kat kaĘĽbut eti kumi yugunat paĘĽbiyilik noko dogolik kat watlasumo kinggi ĘĽbiluk indewerek asusak mende wogoken mende etnogo mondok sirlik-mbirlikogo togot diyalok waga mendeat, sapi eyak utkulik pano mende etnogo warogo aogi iyaken yi! yiluk yogokikemo 31at ombae etnogo nen,
Naʼbut a! Kat nimbisak werek mende yi, an namende yi mende ndi mende taʼbokogonat kat mendeat o. 32Mende, kat kagot yi watlaga ambogo mende iluk atluk waga o. Nalaga mende kweyakogo o, eti paga, ninakla arlenggen kasi dogolik, kagasusak mendeat kagarigogi, yiluk yogokike,” yiluk Yesus nen yogisasike.
Currently Selected:
Lukas 15: DNA
Highlight
Share
Copy
Want to have your highlights saved across all your devices? Sign up or sign in
