Popular Bible Verses from Lukas 17

Share

at ap wagike etnogo men yogokike, “Eberogonat kagat nabigin, yiluk kendainggen noba panggot degen eti paga arat pano agan o. Kebe melatluk kaguma lan o,” yiluk laʼbisike.

Ap eti nen ininggi omanggi pasik, inggi 7 paga alep-yabungga weyak kagat kabiluk nen, kibitngge-yogongge inggi 7 paga nen koba witluk, Weyagat kaki mende eti togot diluk nobabut kwalaga o, yiluk yokisi wago kalok, sagalogo deget diyasi dogono o,” yiluk yogisasike.

Esigit diluk dek agikemo nen, ap yomenogo mende omanggiat ilenggen owado paga ʼbikeke mende, konanggo negen etnogo arat dek agikemo nen, iyogoba wago dogolik, ane nggokogonat, Allah pogorarik wagike. Wagikesik, Yesus apma eloke sogumpogo wilasi wagikesik nen, keyagi wakike. Ap eti ago o Samaria mende.

Eti paga, kinebe irli waganogo, kinomarlok werekogo dogono. Kit kinagarlagi kinirugi omanggi weyak kagako kalok, asuk watno. Asuk wako dogumo, at obabut kwalago kalok, weyak kagake mende eti sagalogo deget diyano o.

Esigit diluk keyagi wakikemo, at Yesus nen, men yogokike, “Ap inebe 10 paga yomenogo inoba pano agaka mende, inebe 9 oba nen nggoma lagaka.

at ninewe Endaganggok nen, O win ai mondok ʼbugurlagat mende eti kak, kinendainggen an noba ʼbugurlagat panggot diluk nen, “O erlo yi yoma nen kenokogo i laut nggok yenggelekma etoma yaklasi lan o, yiluk yogosugun kalok, kinane asuk koliginat o,” yiluk yogisasike.

Ta nen enggaerek ebe irli korlagin kalok, yabunggane ebe nuk asigin o. Mende, ta nen ebe irli korligidek nuk asigin kalok, ebe ndilagin o.

At Yesus nen esigit diluk yogisasikesik nen, at agoromi ane waganggo laguka mende yomenogo wene omanggi men yogisasike, “Weyak kagasuwagaluk it amberek nen inakla nggagalugun mende weregat o. Mende, at ta nen inakla nggagaligogo eti at Allah nen ebe weyagat digin o. At eti nen it inebe ʼbugurlakndek mende yi omanggi nen weyak kagasuwagaluk akla nggagalumo, weyak kagake kalok, at akla nggagaligin mende eti nggit nggok mende arlonggopma kerle yirlelogo nen, i laut yenggelekma mbo laʼbiyelepma pano o.

It akoni alebat ap Nuh werek oba eta kagako laguka ndak-ndagat, an abat endak lasi wagagi etnogo yabunggane esigit diluk kagakonem wisigin o. Nuh werek nggorlek, it akoni etoma inambiri ninggik, enggen ambusu ninggik, ap nen kumi woginakik, it amberek yigisigik, kagako werekma, ap Nuh etnogo nggu akla unggisikemo, i utluk wago dogolik, it akoni yomenogo taʼbokogonat i nen kotnokogo inakike.