Popular Bible Verses from Lukas 18

Share

Esigit diluk yogisasikesik nen, at Yesus agoromi ane waganggo laguka mende yomenogo sembayan yisi dogoluk nen inakla mbuk atluk togot digidek, kunik-kunigat yisi dogowagaluk, wene omanggi oba lisogo men yogisasike

Eti kak, at Allah nen aʼburi mikogo ʼbiyasike mende nen dinggagane kibanggone inane obatnerogo ayonggo ʼbisi kalok, inirli woginabigin dek nogo? Inane nggonko dogoluk nen, yabunggane kalok inirli woginabigin nogo? Dek o. Ibat-ibat inirli woginabigin o, yiluk eberogonat yokisigi. Esigit diluk kagarinabigin mende, an abat endak lasi wagagi etnogo yabunggane witluk nen, akoni agat oba mende yoma amberek inendainggen noba panggot diluk werekma kiya wisigin a? Dek a,” yiluk yogisasike.

at Yesus nen, men yogisasike, “Akoni nen kagasusak mondok erlok dek mende, at Allah nen kagasusak erlogat o,” yiluk yogisasike.

Esigit diluk yogosi wagonem, ap nggok etnogo nen alebagik ane kolkidek aʼit kasi lagike mendeat, yabunggane akla ebeko dogolik, An nobabut, Allah nayuk degat dogolik, akoni inalon palinakidegat mendeat, at kwe soge mende yi, ane noba weyagarogo yoknisi wirigogo yi, awene mbalikidek togot diyamo, noba wago mondok dogolik nakla mep dagik-dagokogo kagako dogunogo yiluk, awene eti mbalisigin, yiluk akla ambasike o,” yiluk Yesus nen yogisasike.

Ta nen, elege ʼbugurlakndek mende Allah nen apma ʼbiyaligogo wene waganiluk unggiligogi eti kak unggigidek kalok, unggigin mondok dek o, yiluk eberogonat yokisigi,” yiluk yogisasike.

Esigit diluk mberisasuka mende, at Yesus nen elege ʼbugurlakndek yomenogo wisuwagaluk waisasikemo wago nggorlek, at ane waganggo laguka mende yomenogo men yogisasike, “Akoni inobabut it elege eti inobabut ndak-ndak kagat lasugun kalok, Allah nen apma ʼbiyaligogoma etoma indewerek asugun eti paga, elege ʼbugurlakndek etoma an noba witnek. Wenemuk mbalko ʼbuk o.

at Yesus nen, men yogokike, “Kilenggen mbuk eti pano asin o. Kat kendainggen noba panggot degen eti pagaat pano agan o,”

at Yesus nen, men yogokike, “Kat pano, yiluk yokneken eti ninggit diluk nen yokneken. At omanggi pano dek o. At Allah arligat pano o.