Popular Bible Verses from Lukas 16

Share

Itithogon yogeisasikhesik men isikhe, “Tha nen herlekha'bugat meke hago dogoagaluk wogokhunem mothogon hagakhe halok, kok meke wogosumo, hanorogonat hagakhe dogogin o. Nen, tha nen herlekha'bugat meke hago dogoagaluk wogokhunem, mothogon hagakhidek halok he, kok meke wogosumo mothogon hagasigin degat o.

Ap opakiat meke ap koktek inebe pere meke inatuaneke dogolik inayabu hagakhe dogosak motok erlok dek o. Itithogon dogogin halok he, atuaneke iti nen, Nopase ageikhe yi hano, nakmu. Nen, ageikhe iti weak, na'it, iluk ekhe dogolik, akmu meke iti ipisak dopokhogon dogolik, ageikhe a'it meke iti, a'it motok hekhe dogosak o. Iti hakene, hit he, Allah atuaneke dogolik, uang atuaneke dogosak erlok dek o,” iluk yogeisasikhe.

Iti hak, hit hinameke yi meke ti meke agat oba meke inil damelogo hagakharek meke iti wokhisaumo hago dogolik, hanorogo welageidek halok he, ebe hano meke iti ite dogobageik iluk tha nen wokhisagein. Hit nen ap ageikhe ameke mothogon hago welageidek halok he, hit meneke, hinekaerek hinameke meke iti ite dogobageik iluk tha nen wokhisagein apegep.

at Abraham nen, men isikhe, It hoe hagot etoma Musa wene inom it ap Allah ane yogeisekhe lagoukha meke inane iti inom, inasuk holhidek halok he, ap ageikhe watlatluk lageikharekma nen iluk atluk yogeisa laumo, it iti inakla nen, eberogonat apalok inasuk holusak erlok degat o, iluk yogokhikhe,” iluk Yesus nen yogeisasikhe.

Ap tha nen age waganek meke lologo here'isalok nen, yabokane he ninat meke ageikhe waganhe halok he, paramat hagasigin o. Nen, ap tha nen, he agun nen lologo here'isagein meke waganhe halok he, paramat waganigin o,” iluk yogeisasikhe.