Popular Bible Verses from ILOOWALI 28

Share

Eelailo mao̒, Wau̒ mamo tulungi mai wau moduo̒la olemu, penu boli deu̒toonu ponao̒wamu, wau Wau̒ mamodelo olemu muli mohualingai ode lipu botie. Wau̒ diila tamololaa olemu dilumutu mapilohutu-U̒ mai ngoa̒amila wolo u pilodanti-U̒ olemu.”

Wau totililio tihu-tihulo EEYA wau helo tahuda mai, “Wau̒-wau̒lo EEYA, Allahu Taa̒ala tahepujaa lei Abraham wau lei Isihaka. Wau̒ mamongohi mai olemu wau ode waliimu mola huta tambati upiloti balatamu botie.

Lapatao̒ tei Yako lobongu mai lonto otuluhio wau loloi̒ya, “EEYA woluo tewe, totambati botie, boheli botia ilotaawau̒ mao̒!”

Lapatao̒ malotadia tei Yako, “Wonu EEYA motulungi wau moduo̒la olo watotia tononao̒ botie wau mongohi mai ua̒alo wau pakeyangi dilimutu watotia muli mohualinga mola ode bele liyamo lo watotia wolo moa̒ahu, EEYA mamowali Allahu Taa̒ala lo watotia. Wau watotia mamongohi mao̒ ode EEYA ngotayade mopulu monto totoonulalo hitua-tuawua uilohi mai lo EEYA olo watotia. Botu poe̒ela u pilotihulao̒ lo watotia botie mamowali tambati polubowalo ode EEYA.”

Waliimu mai daatalio mamowali odelo daatalio lo peaahuo̒ to dunia. Timongolio mamopoo̒ tanggalo lipu limongolio ode totoonulalo dulungo, wau motimbuludei olemu wau waliimu mai, Wau̒ mamo balakati ngoa̒amila bangusa todunia.

Tambati boito ilunteelio Betel (Muloololio mai tanggulio Lus).