ILOOWALI 28
28
1Lapatao̒ tei Isihaka malo tiangai olei Yako tulusi lobalakati mao̒ olio wau loloi̒ya, “Yio̒ diila mao̒ ponika wolo tadulahu lo Kanaa̒n. 2Ponao̒lo ode Mesopotamia, ode ngaalaa̒ lei Betuel, tiyombumu, wau ponikaalo wolo ngotaalio lowalao̒ lei Laban pou̒wamamu. 3Hinta Allahu Taa̒ala Taa Laba-labaalo kawasa mobalakati nikaamu wau mongohi mai olemu walao̒ wau wombu u dadaata, tilinggula yio̒ mowali loluuuru lo bangusa dadaata! 4Hinta Allahu Taa̒ala mobalakati olemu wau walimu mai odelo woloolo mola mabilalakatilio tei Abraham, wau hinta yio̒ motolo miliki huta upiloti biluloa̒mu botie, u mailohi mao̒ lo Allahu Taa̒ala odelei Abraham!” 5Odi-odieelo mola tei Isihaka lolopato olei Yako lonao̒ ode Mesopotamia, odelei Laban, walae̒e Betuel taulo Aram boito. Tei Laban yito tikaka li Ribka tiilo lei Yako wolei Esau.
Tei Esau luli lonika
6Tei Esau looĚ’ dungoheoĚ’ deuĚ’ tei Isihaka malo balakati olei Yako wau lolopato olio lonaoĚ’ ode Mesopotamia mola lololoohe dile teto. Wau olo deuĚ’ touĚ’ tei Isihaka lobalakati maoĚ’ olei Yako, tio helodini maoĚ’ olei Yako monika wolo tadulahu lo KanaaĚ’n. 7Uwewolio maoĚ’ leeto otaawa lei Esau deuĚ’ tei Yako boito modungohe loiĚ’ya lomongo dulaaĚ’lio wau malo monggato ode Mesopotamia. 8Yi malo ngalati tei Esau deuĚ’ tei Isihaka, tiyamolio, diila mohuto to mongobua lo KanaaĚ’n, 9sababu uito malonaoĚ’ tei Esau odelei IsmaiĚ’lu, walaeĚ’e Abraham, wau malonika wolo walaeĚ’e IsmaiĚ’lu taiĚ’lunte Mahalat, tawali-yali lei Nebayot.
Tohiilopo lei Yako to Betel
10Tei Yako malo lolaa mao̒ Bersyeba wau lomonggato ode Haran. 11Tou̒ dulahee maa tilumolopa mota tio leidungga totambati tuwau, tulusi lotitihui mota teto. Tio malo tibalata ohilaa motuluhu; wau lunggongio lotia̒langulua to botu. 12Lapatao̒ tio maloo̒ tohiilopo deu̒ tio loo̒onto tutua̒du tuwau utihu-tihula todunia wau huudio loo̒oma mola hulungo wau mamaa-lai̒katiyalo laahe bootula to tutua̒du boito. 13Wau totililio tihu-tihulo Eeya wau helo tahuda mai, “Wau̒-wau̒lo Eeya, Allahu Taa̒ala tahepujaa lei Abraham wau lei Isihaka. Wau̒ mamongohi mai olemu wau ode waliimu mola huta tambati upiloti balatamu botie. 14Waliimu mai daatalio mamowali odelo daatalio lo peaahuo̒ to dunia. Timongolio mamopoo̒ tanggalo lipu limongolio ode totoonulalo dulungo, wau motimbuludei olemu wau waliimu mai, Wau̒ mamo balakati ngoa̒amila bangusa todunia. 15Eelailo mao̒, Wau̒ mamo tulungi mai wau moduo̒la olemu, penu boli deu̒toonu ponao̒wamu, wau Wau̒ mamodelo olemu muli mohualingai ode lipu botie. Wau̒ diila tamololaa olemu dilumutu mapilohutu-U̒ mai ngoa̒amila wolo u pilodanti-U̒ olemu.”
16Lapatao̒ tei Yako lobongu mai lonto otuluhio wau loloi̒ya, “Eeya woluo tewe, totambati botie, boheli botia ilotaawau̒ mao̒!” 17Tio mailoohe tulusi loloi̒ya, “Otutu moo̒tihela daa̒ hapato tambati botie! Tantuulo mao̒ utie bele lo Allahu Taa̒ala, huhebu hulubangi losologa.”
18Loloombulio mola didimodupo, tei Yako lobongu mai, tulusi malohama mao̒ botu u piloti alangulualio wau lopotihulao̒ lowali botu poe̒ela. Bilangguatio mao̒ winulo jaitun toitaato botu boito u pilohetu duo̒lo Allahu Taa̒ala. 19Tambati boito ilunteelio Betel (Muloololio mai tanggulio Lus). 20Lapatao̒ malotadia tei Yako, “Wonu Eeya motulungi wau moduo̒la olo watotia tononao̒ botie wau mongohi mai ua̒alo wau pakeyangi 21dilimutu watotia muli mohualinga mola ode bele liyamo lo watotia wolo moa̒ahu, Eeya mamowali Allahu Taa̒ala lo watotia. 22Wau watotia mamongohi mao̒ ode Eeya ngotayade mopulu monto totoonulalo hitua-tuawua uilohi mai lo Eeya olo watotia. Botu poe̒ela u pilotihulao̒ lo watotia botie mamowali tambati polubowalo ode Eeya.”
Currently Selected:
ILOOWALI 28: LAIGOR
Highlight
Share
Copy
Want to have your highlights saved across all your devices? Sign up or sign in
