Popular Bible Verses from KEJADIAN 28

Share

Wene yi hendawimo eberek mondok logoino. An nen fetharek logolik, lebethiikhi logogin o. Hat koma kwe lagen halok, An nen o kweang yibaat wokharek wesigin. An wene watheti mene andi ebe mondogat hilinglasuageluk, an nen hat kofologo herakhobagagi'lek setharek mondok logogin o,” iluk yagatunem abi hasikhe.

Abi a'nogo hugunem, TUHAN Allah kwe pela a'nogo era'lu menlagaikhesik mel yagatikhe: ”Abraham inom, Ishak inom, ineisena TUHAN Allah fogetnafarek mene a'nogo re, An aro. An nen kweang hat hebe wengik welagen oba yoma hat hebe inom, haren tagongge mene inom, wokhisagain o.

A'nogo yagatikhemo abi hasikhesik, at Yakub eluk agaikhesik he, mel isikhe: ”Neisena TUHAN ebe yoma werek higi,” an nonggot welagi mene yogondagen nelu aga yi,” iluk isikhe.

A'nogo salhikhesik, Allah enu hombuk palogo mel isikhe: ”An laga lagi yi, neisena TUHAN nen fetnarek welagik, lebetniigik ikhi logolik, sumburu inom, nasu inom, wo'netunem, hobuk nambotkwe neisena aiba fano wagi halok, Hat Allah an neisena asigin. Nen, yi mene ti mene neisena TUHAN nen wo'nesigin mene andi nenggi wenagaisogo nomoloba lagai wagunem, sogo nen an aga logolik misik ekhe hat honggwarek wokhesigin aro. Nen, helep menegeisogo figi yi neisena TUHAN hobaget fogethafi logouwageluk, inendawi wenggelogo eberek logouwageluk hobagagi o,” iluk enu hombuk palhikhe.

Haren tagongge re, wul al kweangma hokhorogo welagarek andi hangge hilinglasugun. A'nogo hilinglasimbik, o unggut poikwe-maikwe elikwe yikwe it mondok wialarik laga logogun. Wialarik laga logolik, hat hebe inom, haren tagongge mene inom, hit hinoba nen afuni inunggulenu lombok mondogat An nen fanorinafi logogin.

A'nogo fisasikhesik, o andoma attagat he, enu Lus welagaikhe mene, hobuk enu Betel salhikhe.