Popular Bible Verses from YOHANES 19

Share

A'nogo wogetukwama, enduk mikhasikhesik he, mel isikhe: ”Arat hilingiti o!” iluk isikhesik, ot soma isikhesik he, ebe arat wa'lagaikhe.

A'nogo arat hilingitukwasik oba nen, at Yesus endawimo nen he, ”Yi wene ti wene mondogat arat elugun warogo hilingiti,” iluk elu a'nogo nen he, Allah ane lisu palogo fesukwa mene higit asuageluk, ”An i nele,” isikhe.

At agaisa inom, agoromi ane wanhi lagaukwa mene ekhe endawinggen hundik mondok welagaikhe mene a'nogo inom, era'lu a'nogo mendek were'ma eilenggen isikhesik, at agaisa yagati logolik he, ”He yi nagaisa, hat heak ari aro,” iluk yagatikhesik, at agot a'nogo yagati logolik he, ”Nagot. Hat hagaisa ari aro,” iluk ugu kwelek aremnogoat Yesus agaisa a'nogo, at agot a'nogo ouwa'ma logouwageluk awiba waluk lagaikhe.

A'nogo hilingitukwasik he, Yesus ineilenggen kumuthasukwa re arat wa'lagaikhemo hasukwasik he, eisok sombolhi'lek herakfesukwa. A'nogo herakfesukwa meneat he, ap tentara omanogo mene ekhe nen he, Yesus abelenggenma sige taukhogo watikhemo, elelekwe amep inom, i inom, wulibi wagaikhe.

Wene a'nogo hilinglagaikhe andi re, Allah aneba lisu mel iluk palogo fesukwama werek: ”At oak sombolugun mondok lego,” iluk isukwa. Nen, ekhe re: ”At ebe sige taukhogo watfuluk ineilenggen logogun,” iluk, isukwama Allah aneba lisu palogo fesukwa mene were'ma higit asuageluk a'nogo hilingitukwa andi.

Waluk wulibi wesuogeluk he, e Yesus ebe menfuluk wasugun mene a'nogo onggwaregen waluk loageluk omoloba fesukwasik, tom nit ninaneba re, enu inungguloak palek punuba u hak, it afuni Ibrani mene inaneba re, enu Golgota agarek oba andi wulibi wagaukwa.

A'nogo wogisasikhemo, it ap tentara mene nen ap kaindek mene kware-kware ikfisagarek andi hak, alok weak mene maserogo Yesus ungguloba puget figik. Su elonggenggen kibi-kibi warek hangge kaindek labetfisagarek mene labetfigik isukwa.