Popular Bible Verses from YOHANES 4

Share

Allah ebe re, Areagun mene andi nen he, at fogerasuageluk Areagun inom hundik logolik eberogoat fogerasugun meneat fogerasugun o,” iluk yagatikhe.

A'nogo Allah fogeratorek meneat he, it afuni nen hobuk Allah fogerati logolik hunogoat negen fogerasugun mene weregaro. At Allah endawimo nen he, An Nareagun en, Allah ebe andi hangge, iluk yagaisugunem higithogo eberogoat fogetnafi logouwak, iluk, anggikherek andi nen he, yogondak ya nen a'nogoat fogerati logogun o.

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

A'nogo yagatikhemo re, at he a'nogo nen he mel yagatikhe: ”Noe. Hat hagaiwak lek. Nen, i yi walek ma'limaat hilingi'mo. Haren i inelugerinaferek mene andi, koma mene hinagaisogo wo'nesigilugen egen.

A'nogo yagatikhemo, at he a'nogo nen he, mel yagatikhe: ”Afuni telninabuageluk Allah nen kain enu Kristus andi lakfei wesigin. Lakfei wagunem ebe wesimbik he, yi wene ti wene mondogat nit yaganisikhi logogin iluk an nelu o,” iluk yagatikhe. A'nogo yagatikhemo, at Yesus nen he, mel yagatikhe: ”Ap egen andi ebe re, an nemberek wene ane ikhi lago nebe yi aro,” iluk yagatikhe.

”Ap ekhe nen an yi hilingitik, ti hilingitik, hilingiti lagi mene mondogat fakhogo mondok yaganete mene ebe andem hak werego. At ebe Kristus Allah nen telninabigeluk lakfei wesigin a'nogoat he a? Hunogoat he a? Hineilenggen hobagaigen we'ni o,” iluk yagaisilik lagaikhe.