Popular Bible Verses from YOHANES 5

Share

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

A'nogo nenangorogo welagaukwa mene ap ekhe re, ou warek werek kwelek 38 tahun hilinglagaikhe mene inom inebe andoma wengik were'ma, Yesus eilenggen hasikhesik he, ”Ap yi endamat en yi'nogo welagare'ma higi,” iluk eilenggen enegat hasikhesik he, mel yagatikhe: ”Neisena. hat fano hilinghasigin hamolo a? Habira?” iluk yagatikhemo

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he, hinebe hineluget hinabuageluk an noba wesu re, hinabiro.

at Yesus nen he, mel yagatikhe: ”Neisena. Hebe menlasimbik he, halit talek mene ari helaluk lan o,” iluk yagatu kwelek aremnogoat ap a'nogo ou fano agaikhesik he, alit talek a'nogo helaluk lagaikhe. At Yesus nen ap ou higitikhe andi re, it afuni Yahudi mene inenggi sabit oba Allah faget weat welagaikharek a'nogoba higitikhe.

Weim abok a'nogo isukwama, at Yesus nen he, ap omanogo wene yi'nogo yagaisasikhe: ”Yi mene ti mene an neisena nen hilingitunem neilenggen higi'lek, we, an nendawimo nen kagalogo hilingisu elo'lek andi nen he, an neisena hilingiterek meneat higithogo hilingiti lagi o, iluk eberogoat yagahisigi.