Popular Bible Verses from ROMA 3

Share

Hari-hari ddau do nga lubhu harro nga menyilu ke, jhe do jjau ke ngati Deo do ta pehelama ro he. Titu wata ri lua ruba dhara Deo ke, do wie nga do dho bhule nga kebhue ne, ne nara ta ie bhale wari ne lua pedu ddau raiwawa nga Deo: do mina hedhe ke ne loro jhara ne: Kristus Yesus ke ne do peballa kattu ddau raiwawa.

ta do ne loro jhara do wie ri Deo ne pa ddau raiwawa tu ta peie nga No, titu wata kinga parahajha pa Yesus Kristus we. Ne tao ri Deo ne lai do na hedhe tu hari-hari ddau do parahajha pa Yesus Kristus; rowi do adho ke do era ne lua pewala-wala ne

Alle ke pejhole Kristus Yesus ri Deo ta jadhi ki'i para manu hiba, mita ie ke ri lua made No ne, ta peteleo ke pa ddau raiwawa ta do alle ke ro pepeballa kattu ngati hala nga ludu ro, kinga parahajha ro pa No. Hakku tao ri Deo mina harre tu ta pedhelo ke ta do adho No do i'a bibhi hebhakka. Rowi pa awe do ludu alla ke ri Deo pepeawi ne lubhu harro nga menyilu ro, hakku wolo dho ke ro ri Deo. Tapulara pa awe nadhe, adho ke No do ta pehang ngo-anni ri penaja nga lubhu harro nga menyilu ri, mita peteleo ke ne lua mola mira No ne. Nga loro jhara do mina harre ke ne peteleo ri No ta do ne ngi'u No do mola do mira; jhe nadu we do parahajha pa Yesus, ta peteleo ke ri No ta mii ddau do peie bhale wari ke nga Deo.

Rowi bhulu dho ke ne loro jhara pa heddau he tu ta peie bhale wari nga Deo taga tari do pedute ri no ne lai-lai do era pa dhara uku aigama. Bhale ma ne uku do na harre wata ke ta peteleo pa ddau raiwawa ta do ddau raiwawa do pa dhara lubhu harro nga menyilu.

Mi do era do hure do bhuke pa dhara Buku Lidara-Likewahhu Deo, ”Bhule dho ke heddau he do mola, bhule dho ke heddau he do tada nga bhule dho ke ie ta heddau he do wie hu nga mejura pa Deo. Hari-hari ddau alla ke pepejjau-anni ngati Deo; hari-hari alla ke pehuli-peteballi. Bhule dho ke heddau he do tao do petu; bhule dho ke ie ta heddau he!

Rowi ki ta peheatte, mina hedhe ke: Ddau do peteleo ri Deo ta do pe ie bhale ke no nga Deo, adho taga tari do pedute ri no ne nga ne do bhuke pa dhara uku aigama Yahudi, tapulara taga tari do parahajha no pa Yesus Kristus.

Do tatu ta adho mina harre! Rowi do teleo ke ta do pee ma Deo ta do mola, maji lema ta nadu we ti ddau-raiwawa do pote do appi ke. Pa dhara Buku Liadara-Likewahhu Deo do era do hure do bhuke, ”Do jhamma ke au ta teleo ta do mola pa dhara ne nga we ne do pale ri au, jhe pee ma au ta do nara pa awe pehappo ne hala au.”