Popular Bible Verses from Lukas 4

Share

”Yefun Allah Gen bok nggwa mo Ji, we Yefun Allah bes Ji wa Ji ki subot An bi suktaru gato ndo nai ye gato yewa suk jam An bi sukdu ne. An syogat Ji ma wa Ji ki nai yé gato ye rai ne do, ’Ji sombok nin wé kadit sukibit gato jom nin ne it!’ An syogat Ji ma wa Ji ós ye gato gro ndu, subere Ji ben án gro ndo satu. An syogat Ji ma wa Ji nai ye gato ku sukye wé kadit sukye ne subere án kem ndo satu. An syogat Ji ma wa Ji ki nai nje do, Yefun Allah fro os ndo wa nai men wé kadit sukye it anare.” {Sane Yefun Yesus baca sukdu ne nai yé mwa mone jam.}

Sane Yefun Yesus ki nai an do, ”Ye krom mo Yefun Allah bi sukdu do, ’Men bes men bi Yekwesu Yefun Allah ne gum kok et, men ben An bi suk-i sor re.’ ”

Sane Yefun Yesus ki nai biris bi yekwesu ne do, ”Mo Yefun Allah bi sukdu, ye krom do, ’Men yetu git sugit sor, bere men yo kem ndo nde.’ ”

Yefun Yesus satu ma kadit Syur Yordan saresa, Yefun Allah Gen bok nggwa mo An, ete Yefun Allah Gen gwat Yefun Yesus mu mo pe gato kwe yo kom mo nde.

Sane Yefun Yesus ki nai biris bi yekwesu do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”

Biris bi yekwesu ne meret os wa Yefun Yesus ware, Yefun Yesus yo ben suk siri kadit Yefun Allah bi os-i mone nde. Sane biris bi yekwesu werwa meret os wa Yefun, orete an mu kadit Yefun Yesus re, an eswa bi kam-i gato ndo wa an meret os wa Yefun o et.

Orge biris bi yekwesu gwat Yefun Yesus mu mo pe gato kok. Biris bi yekwesu ne kadum pe mwa ne sino mo bur ré nai Yefun Yesus me, tepsu Yefun Yesus me or sino sare ya sor re. Biris bi yekwesu kadum pe mwa ne sa, an ki nai Yefun Yesus do, ”Suk mwa gato ji jowa ré, bere ji syo dakai or wa Nan. Yé mwa gato kem mo pe mwa mo bur ré sino, suk mwa gato ndo mo bur ré sino, bere ji syo nai Nan wa Nan jom or re. Suk mwa ré sino sok mo ji, sane ji waii syo nai ye gato ji iwa. Nan do bi Nan nggwa mo ji, Nan bes ji gum kok yo, bere ji syo suk mwa ré or sino mo Nan.” Sane Yefun Yesus ki nai an do, ”Ye krom mo Yefun Allah bi sukdu do, ’Men bes men bi Yekwesu Yefun Allah ne gum kok et, men ben An bi suk-i sor re.’ ”

Orete biris bi yekwesu gwat Yefun Yesus mu mo Yerusalem, orge an grem Yefun Yesus ti kok mo Yefun Allah bi nu yu. An we ti mone sa, biris bi yekwesu ki nai Yefun Yesus do, ”Nan anato tepsu Yefun Allah bi Gan, sangge it yo, Nan bare Nan nggwa kadit ré mu bur et, we ye krom mo Yefun Allah bi sukdu do, ’Yefun Allah syogat An bi malaikat mewa Nan. Bere malaikat mwa ma mewa Nan sisu ndo. Malaikat ne bes án syim wa bur wa Nan, subere jok yo wai Nan gwes nde.’ ” Sane Yefun Yesus ki nai biris bi yekwesu do, ”Mo Yefun Allah bi sukdu, ye krom o do, ’Men werwa men bi Yekwesu Yefun Allah kadum An bi suktinggi daret nde.’ ”