Popular Bible Verses from Lukas 5

Share

Yefun Yesus duno yé mwa ne or, An ki nai Simon do, ”Men mbros mu mo nat gato kru et, subere nin bare mwi mone wa men but boge.”

Simon ki nai An do, ”Yenggras, noru gado sor kom mo nombrak, men bare mwi ware, men yo ku boge yo mo nde. Sarewo yenggras, Nan syogat ji bare mwi o yo, ji bare mwi satu sor.” Simon si ye gato si an mbros kwem mu mo nat gato kru, ete án bare mwi mone. Án bare mwi mone sa, án but boge mwa yé teker ware, mwi ne karowa toko rok.

Yé mwa ma meret Yefun Yesus, sarewo wam bok yo Yefun Yesus mu mo pe gato nje yo mo nde subere An ki suk su Yefun Allah mone.

Ji yo ma mo bur ré wa Ji kendo ye gato nut do, an sa, ye gato ben sukndo ne nde. Ji yo ma wa ye ga sane nde, wo Ji ma mo bur ré wa Ji kendo ye gato ben sukibit, yé ne tepsu yé gato i, subere yé ne brek kadit os ibit, ete jammo Ji et.”

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Sane Yefun Yesus ki nai án do, ”Ye gato yo i nde, bere an yo meret dokter nde, wo ye gato i sa, bere an meret dokter.

Sane Simon si bi yesyim tik kwem we ne mo nden or, án misyar án bi suk mwa ne kem, orete án si Yefun Yesus mu sino.

Kam dik yo Yefun Yesus si An bi pakon ben suk mo kota dik yo. Mo kota ne yebris dik yo gato suki borbuk git ne ma ku Yefun Yesus. Yebris ne do me Yefun Yesus sa, an bare nggwa mo Yefun Yesus gwem. An ndek mo Yefun Yesus do, ”Yenggras, Nan imo yo, Nan nggiwa Nan ben ji ge kadit suki re, subere ji yo fowa ku ye yi o nde.” Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Kapre Yefun Yesus duyawa ye ne kibot suk gato Yefun Yesus ben ne, yé bok yo mu ki sukdu subot Yefun Yesus frekbot peyo-peyo mwa wai o re. Sane yé mwa ma mo Yefun Yesus subere yé syaretwa An bi sukdu-i. Yé mwa ma ku Yefun Yesus subere Yefun ben án ge kadit án bi suki dom.