Popular Bible Verses from Lukas 6

Share

Nin syo suk nai ye yi, sane bere Yefun Allah waii syo suk nai nin dom. Yé do ndek suk mo nin yo, nin syo wokgan nde, wo nin syo suk wai kadit yé ne ndek mo nin ne. Nin do ben sane it yo, bere Yefun Allah syo suk mwa nai nin, An syo suk mwa wai kadit suk gato nin mitmo ne. Nin bariwa ós ye yi yo, bere Yefun Allah waii bariwa ós nin. Nin syo suk mwa wa ós ye yi yo, bere Yefun Allah waii syo suk mwa nai nin.”

Men yetu tepsu kwe mwa ne dom. Ye gato mit si onyar kwo ndo, ye ne tepsu kwe gato kom ndo. Sane kadit sukndo mwa gato an sum mo an mit ne, suk gato an ki ne ndo dom. Wo ye gato mit si onyar ibit, ye ne tepsu kwe gato kom ibit. Kadit sukibit mwa gato an sum mo an mit ne, suk gato an ki ne ibit dom re. Suk gato men ki ne bere syesyar kadit men mit si men onyar fe!”

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Nin ben nin bi suk-i tepsu men bi Ai, Yefun Allah ben ne et! An yo ben suk su nin tepsu sukibit gato nin ben su An nde, wo An ben sukndo su nin sor. Sane dom ye yo ben sukibit su nin it yo, nin ben sukibit satu nde, wo nin ben sukndo su ye ne sor.”

”Nin ki ye yi gum ibit nde, subere Yefun Allah yo ki nin gum ibit dom nde. Nin ki nai ye yi do ’Nan dakai bi sukibit kem pe mo nan,’ bere siri re, nin ki sane nde, wo nin do ki sane it yo, bere Yefun Allah waii ki nai nin do, nin bi sukibit kem pe mo nin dom re. Nin maskwa ye yi mo sukibit gato yé ne ben nai nin nde, nin nutbot o nde, subere Yefun Allah yo nutbot sukibit gato nin ben ne dom nde.

Yefun Yesus ki o do, ”Sarewo Ji ki nai nin gato syaretwa Ji bi sukdu sare do, nin ben sukndo su yeko gato ma wa gu nin, nin ben sukndo su ye gato bariket nin et. Nin ki suk su Yefun Allah subere Yefun ben sukndo su ye gato dufo mo nin. Nin ki suk su Yefun Allah subere Yefun ós ye gato ben sukye nai nin ne.

Suk gato nin mit iwa ye yi ben su nin ne yo, nin ben suk sane su ye yi neya et.

Ye yo gwa nin kwanke yo, nin brek nin kwanke deyo o wa an gwa dom et. Ye yo nai nin bi sansun yo, nin misyar ye ne dakai nai nin bi san deyo dom et. Ye yo ndek suk mo nin yo, nin syo nai ye ne sor. Ye yo nai nin bi suk-i kadit nin it yo, nin mu syokom an syo suk ne satu nde.

”Kwe gato kom ndo, bere yo bo ibit nde. Sane dom kwe gato kom ibit, bere yo bo ndo nde.

Kwe mwa ne sino gato kom mo bur ré, men jam kwe ne ke kadit i-bo gato kom mo kwe ne. Kwe gato jak mwa mó, bere yo bo sato kwe ara bo-i nde. Es damen yo bo sato anggur bo-i nde.