Popular Bible Verses from YOHANES 2

Share

Etumo kabaraka pamulana to nipowia Yesus tempo I'a ri ngata Kana ri Bagia Galilea. Ante kabaraka etu I'a nompopokita kuasana sampe anaguru-anaguruna nomparasaya I'a.

Nanguli Yesus ka indona, “Nindo, nokuya komi nanguli iwetu ka Aku? Da'apa narata tempona Aku mompopokita kuasaku.”

Nangulimo Yesus ka tau-tau topetande ri posusa etu, “Isi komimo gumba-gumba etu ante ue.” Pade niisi iramo sampe naponu. Naopu etu nanguli wo'umo Yesus ka ira, “We'i-we'i sanggu sakedi ue etu, keni komi ka pue mposusa etu.” Pade ira nanggeni ue etu ka pue mposusa etu.

Nesonomo Yesus, “Gero komimo sapo e'i pade Aku kana mombabangu bali riara tempo tolueo.”

Nanggita etu Yesus nompowia sampeka potarampea nggari kaloro pade nipopalaina ira pura-pura nosanggani-nggani ante pura-pura bimba bo japi etu nggari lalowo Sapo Mpepue. Doi nu toposinjula doi nikamburakana pade meja-meja ira nidungganakana. Pade niulina ka tau nobalu-balu tonji banggebodo etu, “Kenimo pura-pura etu nggari se'i! Ne'e komi mompajadi sapo Umaku ewa sapo mpotomu!”