Popular Bible Verses from YOHANES 3

Share

Sabana nabete mpu'umo towe nu Alatala ka manusia ri dunia sampe niwaina Anana to samba'a lau, ala isema-sema momparasaya I'a da'a maropu tapi mombarata katuwua mabelo sampe ri kasae-saena.

Sabana patuju Alatala nompakau Anana mboto marata ri dunia e'i da'a ala mompakasala manusia tapi ala ira mamala rapakasalamana.

Nesonomo Yesus, “Aku mpu'u-mpu'u notesa ka komi, da'a ria samba'a tau mamala majadi todea riara Poparenta nu Alatala ane i'a da'a raote mpanjili.”

Tau to nomparasaya Ana nu Alatala etu da'a rapakasala. Tapi tau to da'a nomparasaya I'a nipakatantumo salana sabana ira da'a nomparasaya Ana nu Alatala to samba'a lau etu.

Nipakatantumo sala manusia sabana Ana nu Alatala narata ri dunia ewa reme nombawanta karumauna, tapi manusia aga nompokono karumauna sabana pokainggu ira naja'a.

I'a kana mantambai rabila tapi aku e'i kana mantambai rapakakedi.”

Isema-sema nanggawia kaja'ana da'a ntoto nompokono reme. Pade ira da'a ntoto madota mompakamosu reme etu ala pura-pura pokainggu ira to naja'a etu ne'e matikita.

Isema-sema to nomparasaya Anana etu, kana mombarata katuwua mabelo sampe ri kasae-saena. Tapi isema-sema to da'a natundu ri ja'i Anana da'a mombarata katuwua mabelo etu. Ira aga rapawela ka rau rara nu Alatala sampe ri kasae-saena.”

Nabi i Musa nggaolu nompowia sanggayu ule nggari tambaga ri karawa baina pade nionggotakana mpakalanga-langa ala isema-sema mantingoa ule etu kana matuwu. Nasimbayu ewa ule etu nionggotaka mpakalanga-langa, iwetu wo'u Aku, Ana nu Manusia kana raonggotaka mpakalanga-langa

Umana Alatala nompotowe I'a, pade niwaina ka I'a mpengele-ngele kuasa.