Popular Bible Verses from LUKAS 14

Share

“Ane samba'a tau madota majadi topantuki Aku i'a kana mompotowe Aku neliupa nggari pompotowena ka indo umana, rongona ante ana-anana, sampesuwu-sampesuwuna, ante korona mboto wo'u. Ane i'a da'a nompotowe Aku neliupa nggari ira pura-pura ante korona mboto wo'u da'a mamala i'a majadi topantuki Aku.

Isema-sema da'a madota manjumbuaka kayu pomparikana pade malau mantuki Aku da'a masipato majadi topantuki Aku.

Sabana butu mba'a tau to nompakalanga rarana kana rapakaede, tapi tau to nompakaede rarana kana rapakalanga.”

Jadi iwetu wo'u ante komi to madota majadi topantuki Aku. Pekirimo mpakabelo-belo ntani ruru, sabana da'a ria tau mamala majadi topantuki Aku ane i'a da'a manggabasaka pura-pura to naria ri ja'ina.”

Ane rapana maria samba'a nggari komi madota mowia saongu sapo to nabetena, natantumo da'apa i'a nompamula mombabangu i'a kana mekatoko mombabila ntani doina bara magana mompakatoka sapona bara da'a. Sabana ane dako ratinjana maopumo doina mompakatoka sapona etu natantumo pura-pura tau to manggita powiana etu kana mompongiri i'a. Ira kana manguli, ‘A, nadoyo tau e'i! I'a nompamula nowia sapona tapi da'a nipakulena mompakatoka sapo etu.’

Jadi ane komi mowia posusa, gagamo tau to nakasiasina, tau to nakeruna, tau to napungguna pade tau to naburona. Ane komi mowia iwetu komi kana ragane, sabana tau-tau etu pane'a da'a mamala mombabalasi powiamu to nabelona etu. Powiamu etu kana rabalasi Alatala tempona tau-tau to nabelona rapakatuwu bali nggari kamatena.”

“Natantu ninjani komi gara nabelo. Tapi ane gara majadi nameli natantu da'a namala rapakapaga bali. Mana ria gunana. Da'a namala rapake nabeloka mompakaboya tana, nabeloka rapajadi pupu. Kana ratajiaka wa'amo. Isema-sema naria talingana, epemo mpakabelo-belo tesaku e'i!”