Popular Bible Verses from LUKAS 15

Share

Naopu nompekiri iwetu, nanggaliwomo i'a nanjili mpaka ri ja'i umana. Tempo i'a danakawao nikita umanamo. Naasi mpu'umo mata umana nanggita anana sampe i'a nangowa nantomuaka i'a. Narata ri ja'i anana nikalipuinamo pade niekina.

sabana anaku e'i ewa namatemo, tapi tempona we'i-we'i natuwu bali. I'a natontomo, tapi we'i-we'i narata bali.’ Jadi ira nanggawia posusa pade nompamula madamba-damba.

Iwetu wo'u ri suruga. Neliu nggadambapa Alatala ante malaekana manggita samba'a tau naja'a powiana to majea nggari silakana pade manggita siompulu bo siomba'a tau to nanoa rarana to mana paraluu majea.”

We'i-we'i aku kana manjili bali ri ja'i umaku pade kana kuuli ka i'a iwe'i: Uma, nasilakamo aku ri ja'i Alatala ante ri ja'i komi wo'u.

Pade nangulimo anana etu ka umana, ‘Uma, nasilakamo aku ri ja'i Alatala ante ri ja'i komi wo'u. Aku mana masipato rauli anamu.’

“Rapana maria samba'a nggari komi mompatuwu bimba satu onguna pade matonto saongu, nuapa rapowiana? Natantumo rapalasina siompulu bo sasio ongu etu ranggarawana pade malau raelona bimba to natonto etu sampe raratana.