Popular Bible Verses from Yohanes 11

Share

Notiꞌi hi Yesu, “Akumo hieꞌe to mampopeꞌaro to mahi, hei to mepaꞌani kotuwuꞌ. Toaꞌ to mepoꞌohi pe Aku, kehapohi mahi, hingkiꞌ tuwuꞌhi huliꞌ. Hei lekiꞌ-lekiꞌna toaꞌ to tuwuꞌ hei mepoꞌohi pe Aku, kotuꞌuana hawaꞌi mahi wute nantolou-louna. Ipoꞌohilu to Kutiꞌi hieꞌe?”

Notiꞌi hi Yesu pe hi Marta, “Hawaꞌireꞌi Kutiꞌikimoko hingkenia? Ane ipoꞌohiꞌA, hingkiꞌ iꞌokiꞌi mpuꞌu komarohone kuasaꞌna Pueꞌ Ala”

Meꞌolamo hi Yesu.

Konohorinalu hi Yesu kareba tiꞌo, Notiꞌi, “Hakiꞌna tiꞌo hawaꞌi hingkiꞌ mangkomiꞌi pe komahia. Tiꞌo mewali hingkeꞌna Pueꞌ Ala ropokodeꞌ, hei moliu i hapo to hingkiꞌ Kuwali, Aku anaꞌna Pueꞌ Ala hingkiꞌ ropokodeꞌ woꞌo.”

Uko tiꞌo, notiꞌi hi Yesu Nopokobue, “Lasarus! Mesuwumoko humei!” Mesuwumo mpuꞌu toaꞌ to mahi tiꞌo ka lali petowua. Korawena hante kapuꞌna tebungku tene hante wida popebungkuna, hei tutuꞌna tewiwiꞌ tene motuntuni adaꞌ toYahudi. Notiꞌikihi hi Yesu, “Ipopolaikei tiꞌo popebungkune hingkeꞌna moromiꞌ patengkaꞌne.”

Katoꞌo, masusa womo laline hi Yesu, horiana nolou pe petowua. Potowua tiꞌo, iomo woloꞌ watu to i papina biri to rotutuꞌi hante watu to kodeꞌ.

Hatoꞌomo lolitane hi Yesu, hei uko tiꞌo Notiꞌi womo, “Awanta hi Lasarus leꞌomo, angkana hingkiꞌ ako Kuluke.”