Popular Bible Verses from LUKAS 14

Share

“De mian toka hi belengku panyo lebe mongkalibosi tinanyo, tuumanyo, bengkele'nyo, to ana-anaknyo, to utu-utusnyo, ka' suele posi butongnyo, ia madi' moko ala timbali mian anu saja' mombatuki Aku.

Mian anu madi' mongka'oho' monsimbu salibnyo ka' mombatuki Aku, madi' bisa timbali anu saja' mombatuki Aku.

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

Kahimpusannyo, i Yesus notatae, “Sumo aitu mule' na komiu. Madi' ko samian pe'e atina' hi komiu timbali mombatuki Aku, de ia madi' mongkulubanakon iwi-iwi na apaa.”

De ko samian atina' hi komiu mongka'oho' mompotinjo menara, tantu ia sumuhang pe'e mombilang ongkosnyo, da nusumbu' pa' doinyo sampa' pompotimbali menara aijo' kabai madi'. Kalana de matantumo madi' nupoko potimbali, padahan betonnyo binaumo, saba' mian iwi-iwi' anu montoa ia aijo' mongkokojoimo. Aha motatae, ‘E mian aiya kahanda' mombau, panyo madi' moko ala mompotimbali!’

Jadi, de beleyum mombau bau-bauon, opaso mian kasiasi, mian panyakiton, mian lupe tiba mian mapisok. Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

“Timuson aijo' ma'ima', panyo de timbalimo matawas te daagi' timbali opo' asing! Madi'mo daagi' ko gunanyo, mau mule' opake i ale' kabai opake pompolompo' tano'. Jadi sahanyo o alin. De ko bihing opotombihing!”