Popular Bible Verses from LUKAS 4

Share

“Errohna Pangeran badha e Sengko', sabab Errohna jareya la mele Sengko' kaangguy manapa' Kabar Bagus ka oreng mesken. Sengko' eotos kaangguy abala ja' reng-oreng tahanan epabebasa ban reng-oreng buta epabarasa; kaangguy nolonga reng-oreng se eseksa ban aberta'agi ja' la napa' baktona Pangeran masalamedda ommadda.”

Dhabuna Isa, “E dhalem Alketab esebbuttagi, ‘Semba Guste Allahna ban abakte ka Salerana malolo.’ ”

Dhabuna Isa, “E dhalem Alketab esebbuttagi, ‘Manossa ta' bisa odhi' pera' dhari roti malolo.’ ”

E bakto abali dhari Songay Yordan Isa ekobasae bi' Errohna Allah. Bi' Errohna Allah jareya Isa ebakta ka sagara beddhi.

Dhabuna Isa, “E dhalem Alketab esebbuttagi, ‘Ba'na ja' ba'-nyoba' Pangeran, Allahna.’ ”

Saellana Iblis jareya mare agudha Isa ngangguy cara acem-macem, kaangguy sabatara Iblis jareya ondur, Isa pas edina'agi sarta anante' bakto se becce'.

Bi' Iblis jareya Isa laju egiba ka kennengngan se tenggi ban e dhalem saparngedep epangoladi sakabbiyanna karaja'an e dunnya. “Sadajana kakobasa'an sareng kasogiyan paneka sareng abdina eatorragiya ka Panjennengngan,” ca'na Iblis jareya. “Ka'dhissa' sadaja ampon eparengngagi ka abdina, ban abdina kengeng ngatorragi sadajana ka pasera'a saos sasoka'na abdina. Ka'dhissa' sadaja bakal daddiya kaagunganna Panjennengngan manabi Panjennengngan kasokan nyemba ka abdina.” Dhabuna Isa, “E dhalem Alketab esebbuttagi, ‘Semba Guste Allahna ban abakte ka Salerana malolo.’ ”

Saellana jareya bi' Iblis gella' Isa laju egiba ka Yerusalim pas esaba' e konco'na Padalemman Socce e bagiyan se paleng tenggi; Iblis jareya ngoca', “Manabi Panjennengngan Pottrana Allah, ngereng alonca' dhari ka'iya. Sabab e dhalem Alketab esebbuttagi, ‘Allah bakal ngotosa kat-malaekadda sopaja ajaga'a Ba'na kalaban gu-onggu.’ Esebbuttagi jugan, ‘Kat-malaekat bakal nampanana Ba'na ngangguy tanangnga, sopaja maske sokona balakka' ja' sampe' ba'na tatagguk ka bato.’ ” Dhabuna Isa, “E dhalem Alketab esebbuttagi, ‘Ba'na ja' ba'-nyoba' Pangeran, Allahna.’ ”