Popular Bible Verses from YOHANES 14

Share

Kasanangen tananku ma naun. Kasanangenku raerai sa naamiku ma naun. Sa naamiku yiru puang kala inun sa naami dunia yena ma naun. Ada gelisah, ada takut.

Yesus nuing, “Aku yiti lalan neu mantaru Alatalla nelang kaiyuh pamelum. Puang uweng sunah erang kaulun kaiyuh hawi nunung Ambah, amun puang itetei aku.

“Ada galisah ateinu,” eau Yesus ma here. “Parisayaleh ma Alatalla nelang parisayaleh ma aku pada.

Kude Roh Alatalla, Pangarawah sa sagar nautus Ambah makai ngaranku, hanyeyiru sa sagar ngajar naun alakatantuluh nelang ngampi itung naun neu katantuluh sa haut nawara ma naun.

Ulun sa narime kawan parentahku nelang nampalusni, hanye yiru sa sinta aku. Ambahku sagar sinta ulun sa sinta aku. Aku pada sagar sinta ulun yiru nelang nantarang tengaku ma hanye.”

Aku sagar ilaku ma Ambah, nelang hanye sagar ngami ma naun Pangarawah lain, sa muneng baya naun palus ma kalalawahni. Hanyeyiru Roh Alatalla sa sagar iwara kabanaran neu Alatalla. Dunia puang kaiyuh narime hanye, daya puang kadinung atawa puang kataru hanye. Kude naun kataru hanye, daya hanye muneng baya naun nelang sagar jari isa anri naun.

Nelang inun sa nalaku naun makai ngaranku, yiru sagar ulahku ma naun, nampan Ambah namulia itetei Anak. Inunleh sa nalaku naun makai ngaranku, yiru sagar naulahku ma naun.”

“Amun naun sinta aku, naun sagar nampalus kawan parentahku.

Hang lewu Ambahku wahai unengan muneng. Aku tulak ma yaru neu nyadia unengan ma naun. Aku puang sagar kaeau kalayiru ma naun, atikalani yiru puang kalayiru.

Udi aku tulak nyadia unengan ma naun, aku sagar mulek palus ngalap naun, nampan hang awe aku naan, hang yiru pada naun naan.

Balalu hi Tomas kaeau ma Yesus, “Tuhan, kami puang karasa maawe Tuhan tulak, kewangun kami karasa lalanni?”