Popular Bible Verses from YOHANES 15

Share

Aku yiti kakau anggur, nelang naun kawan raanni. Ulun sa tatap ibaya anri aku nelang aku ibaya anri hanye, sagar mua wahai; daya amun puang ibaya aku, naun puang kaiyuh ngulah inun-inun.

Tatapleh ibaya anri aku nelang aku pada sagar tatap ibaya anri naun. Raan raerai puang kaiyuh mua, kasuali amun hanye tatap hang kakauni. Kalayiru pada naun, ekat tau mua amun tatap ibaya anri aku.

Amun naun tatap ibaya anri aku nelang ajaranku muneng hawuang naun, laku ma Ambah inunleh sa naaheng naun; pilakuan naun yiru sagar naami.

Puang naun sa midi aku. Aku sa midi naun, nelang nunyu naun tulak nampan bawua wahai – kawan wua sa puang tau binasa. Balalu Ambah sagar ngami ma naun inunleh sa nalaku naun teka hanye makai ngaranku.

Ulun sa tuu-tuu sinta ma kawan hengauni hanyeyiru sa ngami pamelum ma here.

Tiap raan hang aku sa puang mua, tetekni, kude tiap raan sa bawua, natangkurang rawenni nelang nabarasisni nampan wuani labis wahai lagi.

Iti parentahku: ware naun ipasinta sameh naun, sameh kala aku sinta naun.

Amun naun mua wahai, Ambahku namulia palus anri kalayiru naun tuu-tuu jari ulun sa umba aku.

Eau Yesus lagi, “Aku kakau anggur sa sajati, nelang Ambahku tukang kabunni.

Ulun sa puang tatap ibaya anri aku, sagar naumpe yalah raan, balalu karing. Kawan raan sa kalayiru sagar nakumpul palus naumpe mawuang apui, natutung.

Katantuluh yiti nawaraku ma naun, nampan kaaraienku naan hawuang atei naun, nelang kaaraien naun jari paruna.

Amun naun nampalus kawan parentahku, naun tatap satia ma sintaku, sameh kala aku tatap satia ma sinta Alatalla daya nampalus kawan parentahni.

Iti parentahku ma naun: Ware naun ipasinta sameh naun.”

Atikalani naun milik dunia, naun sagar nasinta daya dunia kala milik watni. Kude aku haut midi naun teka dunia yiti, jari naun puang lagi milik dunia. Gana yiru dunia muar naun.